(អត្ថបទចុះផ្សាយនៅថ្ងៃ 27-11-2013,10:29 am) | ដោយ វិច្ឆិកា
មន្ត្រីជំនាញព្រំដែនរបស់កម្ពុជាលោកទេសរដ្ឋមន្ត្រីវ៉ា គីមហុងបានប្រាប់អោយដឹងថា នៅមិនទាន់មានការកំណត់ផ្តើមអនុវត្តសាលដីកាតុលាការយុត្តិធម៌អន្តរជាតិថ្ងៃទី១១វិច្ឆិកានៅឡើយទេ ខណៈកំដៅនៃវិបត្តិនយោបាយផ្ទៃក្នុងថៃកាន់តែពុះកញ្ជ្រោលនោះ។ ទោះយ៉ាងនេះក្តី ប្រធានគណៈកម្មការចម្រុះព្រំដែនកម្ពុជាថៃរូបនេះបានអះអាងថា បញ្ហានយោបាយផ្ទៃក្នុងថៃ នឹងមិនត្រូវទាក់ទងនឹងសាលដីកាតុលាការឡាអេឡើយ។
ទេសរដ្ឋមន្ត្រីទទួលបន្ទុកកិច្ចការព្រំដែន លោក វ៉ា គីមហុងបានប្រាប់គេហទំព័រថ្មីៗ ថា ការអនុវត្តសាលដីការតុលាការយុត្តិធម៌អន្តរជាតិថ្ងៃទី១១វិច្ឆិកាកន្លងទៅនោះ វាទាក់ទងនឹងឆន្ទៈរបស់រដ្ឋាភិបាលថៃ ជាងវិបត្តិនយោបាយផ្ទៃក្នុងរបស់ថៃ។ លោកវ៉ា គីមហុងបញ្ជាក់យ៉ាងដូច្នេះថា៖«វិបត្តិនយោបាយផ្ទៃក្នុងថៃ និងសេចក្តីសម្រេចរបស់តុលាការយុត្តិធម៌អន្តរជាតិ ជារឿងពីរផ្សេងគ្នា។ មិនមានអ្វីទាក់ទងគ្នាទេ»។
ខណៈដែលមន្ត្រីជាន់ខ្ពស់ជំនាញព្រំដែនរបស់កម្ពុជាអះអាងថា មិនបារម្ភខ្លាំងអំពីផលប៉ះពាល់ពីវិបត្តិនយោបាយថៃមកលើការអនុវត្តសាលដីកាតុលាការឡាអេនោះ អ្នកប្រវត្តិសាស្ត្រ និងអ្នកស្រាវជ្រាវមួយចំនួនបានយល់ឃើញខុសពីនេះ។ លោកសាស្ត្រចារ្យប្រវត្តិសាស្ត្រ រស់ ចន្ត្រាបុត្របានអត្ថាធិប្បាយថា បើទោះជាសាលដីកាតុលាការយុត្តិធម៌ អន្តរជាតិមានលក្ខណៈដាច់ណាត់ បញ្ជាអោយភាគីទាំងពីរ អនុវត្តសេចក្តីសម្រេចនេះដ៏ដោយ ប៉ុន្តែលោកព្រួយបារម្ភថា បក្សប្រឆាំងថៃអាចយកបញ្ហាព្រំដែនគាបសង្កត់រដ្ឋាភិបាលនៃគណបក្សភឿថៃជាថ្មីម្តងទៀត។ ប៉ុន្តែប្រវត្តិវិទូរូបនេះបានដាក់ការជឿទុកចិត្តទៅលើរដ្ឋាភិបាល ក្នុងការដោះស្រាយបញ្ហានេះ។ «រដ្ឋាភិបាលកម្ពុជាមានមូលដ្ឋានគតិយុត្តិគ្រប់គ្រាន់ទល់នឹងប្រទេសថៃ»។ នេះគឺជាការអះអាងរបស់លោករស់ ចន្ត្រាបុត្រ។
មានប្រសាសន៍ស្រដៀងគ្នាដែរ លោក កែម ឡី អ្នកស្រាវជ្រាវផ្នែកសង្គម សេដ្ឋកិច្ច បានសំដែងក្តីបារម្ភអំពីផលលំបាកនៃការដោះស្រាយវិបត្តិព្រំដែនកម្ពុជាថៃ និយាយជារួម និងការអនុវត្តន៍សាលដីកាតុលាការឡាអេថ្ងៃទី១១វិច្ឆិកា និយាយដោយឡែក។ លោកកែម ឡីពន្យល់យ៉ាងដូច្នេះ៖«គំនិតជាតិនិយមបានចាក់ឬសជ្រៅដល់ក្រុមយុវជនថៃ ដែលបានរៀនប្រវត្តិសាស្ត្រតែពាក់កណ្តាល ដែលមាននៅក្នុងប្រព័ន្ធអប់រំរបស់ថៃ។ ថៃដែលបង្រៀនកូនចៅរបស់ពួកគេតែអំពីបារាំងកាត់ដីអោយកម្ពុជា។ ដូច្នេះបញ្ហាព្រំដែន ជាបញ្ហាស្មុគស្មាញកម្រិតខ្ពស់សម្រាប់រដ្ឋាភិបាលថៃ ក្នុងការអនុវត្ត។ ខ្ញុំថា មានតែយន្តការអង្គការសហប្រជាជាតិប៉ុណ្ណោះដែលត្រូវបង្ខំអោយមានការអនុវត្តន៍សាលដីកាឡាអេ»។ បើតាមការពន្យល់របស់លោក កែម ឡី យ៉ាងហោចការពន្យាការអនុត្តសាលដីកាឡាអេនៅពេលនេះ ប្រសិនបើមានមែន បញ្ហាព្រំដែននៅតំបន់ផ្សេងៗទៀតរវាងកម្ពុជានិងថៃក៏អាចកាន់តែមានបញ្ហាដែរ៕
ទេសរដ្ឋមន្ត្រីទទួលបន្ទុកកិច្ចការព្រំដែន លោក វ៉ា គីមហុងបានប្រាប់គេហទំព័រថ្មីៗ ថា ការអនុវត្តសាលដីការតុលាការយុត្តិធម៌អន្តរជាតិថ្ងៃទី១១វិច្ឆិកាកន្លងទៅនោះ វាទាក់ទងនឹងឆន្ទៈរបស់រដ្ឋាភិបាលថៃ ជាងវិបត្តិនយោបាយផ្ទៃក្នុងរបស់ថៃ។ លោកវ៉ា គីមហុងបញ្ជាក់យ៉ាងដូច្នេះថា៖«វិបត្តិនយោបាយផ្ទៃក្នុងថៃ និងសេចក្តីសម្រេចរបស់តុលាការយុត្តិធម៌អន្តរជាតិ ជារឿងពីរផ្សេងគ្នា។ មិនមានអ្វីទាក់ទងគ្នាទេ»។
ខណៈដែលមន្ត្រីជាន់ខ្ពស់ជំនាញព្រំដែនរបស់កម្ពុជាអះអាងថា មិនបារម្ភខ្លាំងអំពីផលប៉ះពាល់ពីវិបត្តិនយោបាយថៃមកលើការអនុវត្តសាលដីកាតុលាការឡាអេនោះ អ្នកប្រវត្តិសាស្ត្រ និងអ្នកស្រាវជ្រាវមួយចំនួនបានយល់ឃើញខុសពីនេះ។ លោកសាស្ត្រចារ្យប្រវត្តិសាស្ត្រ រស់ ចន្ត្រាបុត្របានអត្ថាធិប្បាយថា បើទោះជាសាលដីកាតុលាការយុត្តិធម៌ អន្តរជាតិមានលក្ខណៈដាច់ណាត់ បញ្ជាអោយភាគីទាំងពីរ អនុវត្តសេចក្តីសម្រេចនេះដ៏ដោយ ប៉ុន្តែលោកព្រួយបារម្ភថា បក្សប្រឆាំងថៃអាចយកបញ្ហាព្រំដែនគាបសង្កត់រដ្ឋាភិបាលនៃគណបក្សភឿថៃជាថ្មីម្តងទៀត។ ប៉ុន្តែប្រវត្តិវិទូរូបនេះបានដាក់ការជឿទុកចិត្តទៅលើរដ្ឋាភិបាល ក្នុងការដោះស្រាយបញ្ហានេះ។ «រដ្ឋាភិបាលកម្ពុជាមានមូលដ្ឋានគតិយុត្តិគ្រប់គ្រាន់ទល់នឹងប្រទេសថៃ»។ នេះគឺជាការអះអាងរបស់លោករស់ ចន្ត្រាបុត្រ។
មានប្រសាសន៍ស្រដៀងគ្នាដែរ លោក កែម ឡី អ្នកស្រាវជ្រាវផ្នែកសង្គម សេដ្ឋកិច្ច បានសំដែងក្តីបារម្ភអំពីផលលំបាកនៃការដោះស្រាយវិបត្តិព្រំដែនកម្ពុជាថៃ និយាយជារួម និងការអនុវត្តន៍សាលដីកាតុលាការឡាអេថ្ងៃទី១១វិច្ឆិកា និយាយដោយឡែក។ លោកកែម ឡីពន្យល់យ៉ាងដូច្នេះ៖«គំនិតជាតិនិយមបានចាក់ឬសជ្រៅដល់ក្រុមយុវជនថៃ ដែលបានរៀនប្រវត្តិសាស្ត្រតែពាក់កណ្តាល ដែលមាននៅក្នុងប្រព័ន្ធអប់រំរបស់ថៃ។ ថៃដែលបង្រៀនកូនចៅរបស់ពួកគេតែអំពីបារាំងកាត់ដីអោយកម្ពុជា។ ដូច្នេះបញ្ហាព្រំដែន ជាបញ្ហាស្មុគស្មាញកម្រិតខ្ពស់សម្រាប់រដ្ឋាភិបាលថៃ ក្នុងការអនុវត្ត។ ខ្ញុំថា មានតែយន្តការអង្គការសហប្រជាជាតិប៉ុណ្ណោះដែលត្រូវបង្ខំអោយមានការអនុវត្តន៍សាលដីកាឡាអេ»។ បើតាមការពន្យល់របស់លោក កែម ឡី យ៉ាងហោចការពន្យាការអនុត្តសាលដីកាឡាអេនៅពេលនេះ ប្រសិនបើមានមែន បញ្ហាព្រំដែននៅតំបន់ផ្សេងៗទៀតរវាងកម្ពុជានិងថៃក៏អាចកាន់តែមានបញ្ហាដែរ៕
source：http://m.thmeythmey.com/?page=detail&ctype=article&id=9959&lg=kh
សំគាល:
0 comments: