ប្រជាជន​កម្ពុជា និង​ជប៉ុន​នឹង​ទទួលបាន​ការលើកលែង​ទិដ្ឋាការ

ភ្នំពេញ៖ ប្រជាជន​កម្ពុជា និង​ជប៉ុន​នឹង​ទទួលបាន​ការលើកលែង​ទិដ្ឋាការ​ក្នុង​រយៈពេល​ប៉ុន្មាន​ថ្ងៃ​ ខាងមុខ​ទៀត​នេះ។ នេះ​បើ​យោងតាម​សេចក្តីជូនដំណឹង​របស់​ក្រសួងការបរទេស​នៃ​ប្រទេស​កម្ពុជា។ 
ក្រសួងការបរទេស​នៃ​ប្រទេស​កម្ពុជា​បាន​ជូន​ព័ត៌មាន​បញ្ជា​ក់នៅ​ថ្ងៃ​ ចន្ទ​ទី៩ខែធ្នូ​នេះ​ថា ចាប់ពី​ថ្ងៃទី១១ខែធ្នូ​ខាងមុខនេះ រាជរដ្ឋាភិបាល​ជប៉ុន និង​កម្ពុជា​នឹង​ផ្តល់​ទិដ្ឋាការ​ចេញ-ចូល ច្រើនដង រយៈពេល​វែង​ពី១ទៅ៣ឆ្នាំ​ជូន​ដល់​ប្រជាជាតិ​នៃ​ប្រទេស​ទាំងពីរ​ដែល​កាន់​ លិខិតឆ្លងដែន​ធម្មតា។

ចាប់តាំងពី​ថ្ងៃទី១៣ខែធ្នូ​ឆ្នាំ២០១៣នេះ​ទៅ រាជរដ្ឋាភិបាល​នៃ​ប្រទេស​ទាំងពីរ​នឹង​សម្រេច​លើកលែង​ទិដ្ឋាការ​រយៈពេល៣០ថ្ងៃ ​ដល់​ប្រជាជន​នៃ​ប្រទេស​ទាំងពីរ​ដែល​កាន់​លិខិតឆ្លងដែន​កា​ទូត និង​ផ្លូវការ៕

Source : tmeyt tmey