ភ្នំពេញ ៖ ករណីភ្ញាក់ផ្អើលទាំងព្រឹក មួយបានកើតឡើង បន្ទាប់ពីមានកូនស្រី លោកស្រីចៅសង្កាត់រងទី២ចតុមុខម្នាក់ បានរត់ចេញមកក្រៅផ្ទះទាំងខ្លួនប្រឡាក់ សុទ្ធតែឈាម រួចដួលសន្លប់ស្ដូកស្ដឹង ហើយត្រូវបានប្រជាពលរដ្ឋ និងជីដូន បង្កើតបានដឹកបញ្ជូនទៅសង្គ្រោះភ្លាមៗនៅមន្ទីរពេទ្យកាល់ម៉ែតខណៈដែលម្ដាយនាងបានយកកាំបិតចិតបន្លែមកចាក់ បំណងសម្លាប់ផ្ដាច់ជីវិតកូនប្រុសអាយុ ៥ឆ្នាំម្នាក់ និងកូនស្រីអាយុ១៧ឆ្នាំ រួច ចាក់សម្លាប់ខ្លួនឯង ប៉ុន្ដែការចាក់សម្លាប់ នោះកូនស្រី អាយុ១៧ឆ្នាំមិនបានស្លាប់ នោះទេ គ្រាន់តែរងរបួសធ្ងន់ រីឯកូនតូច និងម្ដាយត្រូវបានដេកស្លាប់ក្នុងបន្ទប់ ។
ករណីចាក់សម្លាប់កូនបង្កើតរបស់ ខ្លួនខាងលើនេះបានកើតឡើងនៅវេលា ម៉ោង៦ព្រឹក ថ្ងៃទី៥ ខែធ្នូ ឆ្នាំ២០១៣ ស្ថិតនៅផ្ទះលក់គ្រឿងក្លែមនិងងៀតក្របី យីហោមករា លីហ្សា មានទីតាំងផ្ទះលេខ ៨២អឺសូន្យ ផ្លូវលេខ២៤៤សង្កាត់ចតុមុខ ខណ្ឌដូនពេញ ។
ម្ដាយដែលសម្លាប់កូនខាងលើនេះ ត្រូវបានស្គាល់ឈ្មោះ យន់ សូនីតា អាយុ ៤១ឆ្នាំ ជាចៅសង្កាត់រងទី២ចតុមុខ (ស្លាប់) កូនប្រុសឈ្មោះ សេង អាមីសែល អាយុ៥ឆ្នាំ (ស្លាប់) និងកូនស្រីឈ្មោះ សេង លីហ្សា អាយុ១៧ឆ្នាំ បានរងរបួស ធ្ងន់ ជាសិស្សរៀននៅវិទ្យាល័យចតុមុខ (បច្ចុប្បន្នកំពុងសម្រាកព្យាបាលនៅ មន្ទីរពេទ្យ) មានឪពុកឈ្មោះ សេង ប៊ុនណា រស់នៅសហរដ្ឋអាមេរិក ។
តាមប្រភពព័ត៌មានពីកន្លែងកើត ហេតុបានឱ្យដឹងថា មុនពេលកើតហេតុ ម្ដាយនិងកូន២នាក់ខាងលើបានដេកនៅ ក្នុងបន្ទប់ឡៅតឿជាមួយគ្នា រីឯជីដូន និង ចៅប្រុសម្នាក់បានដេកនៅខាងក្រោម ផ្ទះ ។ លុះរហូតដល់ព្រឹកឡើងម៉ោង៦ កូនស្រីឈ្មោះ លីហ្សា បានរត់ចុះពីលើ បន្ទប់មកដាស់ជីដូនថា ម្ដាយរបស់ខ្លួន បានយកកាំបិតមកចាក់ប្អូនប្រុស និង ខ្លួន ។ ភ្លាមៗនោះជីដូនបានចាក់សោទ្វារ នាំចៅស្រីរត់ចេញមកខាងក្រៅផ្ទះ រួច ចាក់សោទ្វារពីក្រៅវិញទើបយកចៅស្រី របស់ខ្លួនទៅសង្គ្រោះនៅមន្ទីរពេទ្យកាល់ម៉ែតនិងបានរាយការណ៍ប្រាប់សមត្ថកិច្ច មូលដ្ឋានចុះមកកន្លែងកើតហេតុ ។
ខណៈ ដែលជីដូនបានជូនចៅស្រីទៅសង្គ្រោះនៅមន្ទីរពេទ្យកាល់ម៉ែតរួចហើយក៏ត្រឡប់មកផ្ទះវិញសហការជាមួយសមត្ថកិច្ច បើកសោទ្វារផ្ទះចូលទៅក្នុងបន្ទប់ដែលម្ដាយនិងកូនដេកខាងលើនោះ ស្រាប់តែប្រទះឃើញម្ដាយនិងកូនប្រុសអាយុ៥ឆ្នាំ ដេកស្លាប់ក្នុងថ្លុកឈាមបាត់ទៅហើយ ។
ក្រោយកើតហេតុសមត្ថកិច្ចមូលដ្ឋានបានសហការជាមួយនគរបាលជំនាញ ខាងកោសល្យវិច័យរាជធានីភ្នំពេញចុះ ត្រួតពិនិត្យសាកសព និងសាកសួរអ្នក ជិតខាងទើបដឹងថា មូលហេតុបណ្ដាល ឱ្យម្ដាយចាក់សម្លាប់កូនរួចចាក់សម្លាប់ ខ្លួនឯងជាក្រោយនេះ ព្រោះតែគាត់បាន ជំពាក់លុយគេច្រើននិងមានជំងឺប្រចាំ កាយផងទើបសម្រេចចិត្ដធ្វើបែបនេះ តែម្ដងទៅ ។
ចំណែកប្រជាពលរដ្ឋដែល រស់នៅជិតខាងបានឱ្យដឹងថា ស្ដ្រីដែល ចាក់សម្លាប់កូនរបស់ខ្លួនខាងលើនេះ ដោយសារតែគាត់មានជំងឺប្រចាំកាយ ហើយមានបំណុលច្រើន និងនៅមុន ពេលកើតហេតុបានទូរស័ព្ទទៅសុំលុយប្ដី ដែលរស់នៅសហរដ្ឋអាមេរិកនោះមិន បានព្រមទាំងគំរាមប្ដីតាមទូរស័ព្ទថា បើមិនឱ្យលុយគាត់ទេ គាត់នឹងសម្លាប់ កូនទាំងអស់ចោល ។ លុះដល់យប់កណ្ដាល អធ្រាត្រស្រាប់តែស្ដ្រីរូបនេះធ្វើតាម សម្ដីនេះមែន ។ បច្ចុប្បន្នសាកសពម្ដាយ និងកូនប្រុស ត្រូវបានក្រុមគ្រួសារយកទៅធ្វើបុណ្យ នៅវត្ដពោធិ៍ចិនតុងតាមប្រពៃណី៕
លោកស្រីចៅសង្កាត់រងទី២ចតុមុខជំពាក់លុយគេច្រើននិងមានជំងឺប្រចាំកាយចាក់សម្លាប់កូន២នាក់រួចចាក់សម្លាប់ខ្លួនឯងជាក្រោយ
Tags: ឃាតកម្ម, ពត៌មានជាតិ
សំគាល:
វែបសាយដើមចេក យើងខ្ញុំសូមមិនទទួលខុសត្រូវចំពោះពត័មានណាដែលមិនមែនជារបស់យើងខ្ញុំទេ។
រាល់ព័តមានពិតឫមិនពិតសូមទំនាក់ទំនងទៅកាន់ប្រភពដើមដែលយើងដាក់តំនរភ្ជាប់ទៅអោយ។ សូមអរគុណចំពោះការគាំទ្រ!
Advertisement
Subscribe to:
Post Comments (Atom)
- RSSGet updates
- Google PlusJoin our Circle
- TwitterFollow us
- FacebookBecome our fan
ADVERTISEMENT
Popular Posts
-
ដោយសារតែអផ្សុក សិស្សតៃវ៉ាន់១គូបាននាំគ្នាប្រព្រឹត្ត Oral Sex លើរថភ្លើងមុខអ្នកដំណើរជាច្រើន។ នេះបើតាមការឱ្យដឹងរបស់គេហទំព័រ ...
-
ដើមចេកខ្មែរ ប្រទេសកម្ពុជាមានចេកជាច្រើនប្រភេទ ដូចជា ចេកណាំវ៉ា ចេកអំបូង ចេកពងមាន់ ចេកស្នាមុខ ចេកទឹក ចេកជ្វា។ល។ ចេកជារុក្ខជាតិហូបផ្លែដែល... -
ចិន៖ក្នុងព្រឹត្តិការណ៍ធ្វើសន្និសីទរឿងកាលពីម្សិលមិញនេះ នាង Liu Yifei ខ្មែរហៅនាងថាសៀវឡុងនី នៅតែបន្តភាពអាម៉ាសរបស់ខ្លួនក្នុងអំឡុងផ្តល់...
-
ចិន៖ប្រភពព័ត៌មានរបស់ចិននានា ដែលចុះផ្សាយកាលពីពាក់កណ្តាលខែ វិច្ឆិកា កន្លងទៅ បានឲ្យដឹងថា នាង Gong Rumin ឬ Gong Yan Zhao Min (宮如敏) ដែ...
-
ភ្នំពេញៈ តារាសម្តែង និងពិធីការិនីកូនមួយ សាច់ម៉ដ្ឋរលោង រូបសម្រស់កាន់តែលេចធ្លោរទេ្វដង អ្នកនាង សុខ សោម៉ាវត្តី ធ្លាប់បានសម្តែងរឿងដោយមានបញ្ចូល គ្...
-
វាពិតជា មានន័យណាស់ ក្នុងការថែរក្សា ចំណងស្នេហាមួយ អោយមានភាពយូរអង្វែង ។ យើងមិនអាច គិតថា វាមិនសំខាន់ចំពោះអ្នកទេ មែនទេ? ដូច្នេះ ដើម្បីជាគន្លឹះ ក...
-
ស្ថានទូតជប៉ុន ត្រូវគេរាយការណ៍ថា បានអញ្ជើញមេដឹកនាំគណបក្សសង្គ្រោះជាតិទាំង២នាក់ ក្រោយការបង្កហេតុនៅតំបន់សេដ្ឋកិច្ចព...
-
ព្រះវិហារ ៖ រថយន្ដឈ្នួល ដឹកទំនិញ និងមនុស្សជិះ ជាច្រើននាក់មួយគ្រឿង បានក្រឡាប់ជាច្រើនត្រឡប់ កាលពីវេលាម៉ោង១០និង១០នាទីព្រឹក ថ្ងៃទី០៥ ខែធ្នូ ឆ្ន...
-
ពុធ ២៧ វិច្ឆិកា, ២០១៣ ម៉ោង ០៨:៣៣ នៅពេលថ្មីៗនេះ អង្គភាពសេដ្ឋកិច្ចពិសេស (The Economist Intellligence Unit) ដែលជាក្រុមជំនាញ ក្នុងការវាយតម្លៃ ទៅ...
-
ខេត្តបន្ទាយមានជ័យ៖ កាលពីថ្ងៃទី៤ ខែធ្នូ ជនសង្ស័យទាំង៣នាក់ ពាក់ព័ន្ធចាប់រំលោភនារីម្នាក់ ត្រូវបានសមត្ថកិច្ចជំនាញកសាងសំណុំរឿង បញ្...
pizza
Blogger templates.ដោយដើមចេកខ្មែរពត៌មានដើមចេកខ្មែរ.
0 comments: