ខេត្តកំពង់ឆ្នាំង៖ ចរាចរណ៍លើផ្លូវជាតិលេខ៥ក្នុងក្រុងកំពង់ឆ្នាំងត្រូវបានកកស្ទះរយះពេលជាង២ម៉ោង ដោយសារក្បួនដង្ហែធម្មយាត្រាមួយដែលមានលោកសង្ឃនិងសកម្មជនគណបក្សសង្គ្រោះជាតិបាននាំគ្នាឈររារាំងបិតផ្លូវ ព្រោះតែខឹងសុំចូលសំរាកក្នុងវត្តអារញ្ញមិនបាន។ ការកកស្ទះចរចរណ៍នេះបានកើតឡើងពីម៉ោង៤និង៣០នាទីល្ងាចដល់ម៉ោង៦និង៤៥នាទីយប់ថ្ងៃទី០៥ ខែធ្នូ ឆ្នាំ២០១៣ក្នុងសង្កាត់កំពង់ឆ្នាំង ក្រុងកំពង់ឆ្នាំង។
សមត្ថកិច្ចក្រុងកំពង់ឆ្នាំងបានអោយដឹងថា៖ ក្បួនធម្មយាត្រាបានដង្ហែដោយថ្មើរជើងអមដោយរថយន្ត៣គ្រឿងនិងរ៉ឺម៉កម៉ូតូ២គ្រឿងដែលមានមនុស្សជាង៨០នាក់ ដែលមានលោកសង្ឃ១៩អង្គនាំមុខ និងមានមន្ត្រីសិទ្ធមនុស្សជាង១០នាក់តាមឃ្លាំមើល។ ក្នុងនោះ ក៏ពិនិត្យឃើញមានសមាជិកក្រុមប្រឹក្សាក្រុងនិងខេត្តមួយចំនួនរបស់គណបក្សប្រឆាំងមកចូលរួមក្នុងពេលនោះផងដែរ។
ក្បួនដង្ហែនេះនៅព្រឹកថ្ងៃទី០០៥ ខែធ្នូ ឆ្នាំ២០១៣ បានហែរចេញពីភូមិស្រះកែវ ឃុំមេលំ ស្រុកបរិបូរណ៍ ឆ្ពោះទៅកាន់ទីក្រុងភ្នំពេញ ដើម្បីប្រមូលមនុស្សទៅធ្វើបាតុកម្ម តាមផែនការគំរោងទុករបស់គណបក្សបរឆាំង។ពេលហែក្បួនតាមផ្លូវជាតិលេខ៥មកដល់មុខវត្តអារញ្ញ បានប្រកាសសុំវត្តអារញ្ញសំរាក១យប់ ប៉ុន្តែត្រូវលោកសង្ឍវត្តអារញ្ញទាញទ្វាររបងវត្តបិតមិនអោយចូល។
បន្ទាប់មកក្បួននេះដែលដឹកនាំលោកសង្ឃបាននាំគ្នាបិតចរា ចរណ៍លើផ្លូវជាតិលេខ៥មុខវត្តអារញ្ញតែម្តងក្រោយមកបានដកថយទៅបិតផ្លវជាតិនៅចំណុចសួនច្បារដំរី.សបន្តទៀត។ នៅក្នុងពេលបិតចរាចរណ៍នេះ លោកសង្ឃគ្មានវិន័យក្នុងក្បួននេះ បានស្រែកជេរថ្នាក់ដឹកនាំប្រទេស អាជ្ញាខេត្ត និងសមត្ថកិច្ចយ៉ាងចាស់ដៃ ដូចមនុស្សពាលស្រវឹងថ្នាំញៀន ហើយបានគំរាមចាក់សាំងដុតខ្លួនទៀតផង រហូតដល់ម៉ោង៦និង៤៥នាទីយប់ ក្រោយពីមានការសំរបសំរួលពីអាជ្ញាធរនិងសមត្ថកិច្ច ទើបពួកគេបើកចរាចរណ៍ឡើងវិញវិញ ហើយនាំគ្នាវិលត្រឡប់មកឈប់សំរាកនៅក្នុងវត្តអារញ្ញតាមបំណងរបស់គេ។
ប្រជាពលរដ្ឋជាច្រើននាក់ដែលបានកកស្ទះចរាចរណ៍នៅក្នុងពេលនោះ បាននិយា យថា៖ ការបិតចរាចរណ៍ដោយក្បួនធម្មយាត្រាស្អីនេះដែលមានលោកសង្ឃជាខែល និងពួកមន្ត្រីបក្សប្រឆាំងនិងមន្ត្រីសង្គមស៊ីវិលនៅពីក្រោយខ្នង គឺជាអំពើខុសច្បាប់មិនគួរអត់អោនឡើយ។
សកម្មភាព អក្បកិរិយា ជេរប្រមាថរបស់លោកសង្ឃទំនើងស្មើសវិន័យខាងលើនេះមិនគួរអោយគោរពឡើយ ធ្វើអោយខូចព្រះពុទ្ធសាសនាដែលជាសាសនារបស់ ជាតិ ប្រជាពលរដ្ឋសំណូមពរក្រសួងធម្មការជួយលប់បំបាត់អោយបានផង៕ ដោយ សហការី
Tag: ដើមចេកខ្មែរ , khmer banana news
Source : khmerangkor-news
សំគាល:
0 comments: