រាជធានីភ្នំពេញ ៖ កាលពីព្រឹកថ្ងៃទី០៤ ខែធ្នូ ឆ្នាំ២ ០១៣នេះ សមត្ថកិច្ចនគរបាលបានឲ្យដឹងថា បុរស ស្រវឹងម្នាក់ត្រូវបានចៅក្រមស៊ើបសួរ នៃ សាលាដំបូងរាជធានីភ្នំពេញ សម្រេច ឃុំខ្លួនដាក់ពន្ឋនាគារក្រោមការចោទប្រកាន់ពីបទ «ប៉ុនប៉ងរំលោភសេពសន្ថវៈ» ។
សមត្ថកិច្ចបានបន្តថា បុរសប្រមឹកខាងលើនេះ មានឈ្មោះ វឿន អាយុ៣២ឆ្នាំ ស្នាក់នៅផ្ទះជួល ក្នុងសង្កាត់ផ្សារដើមគរ ខណ្ឌទួលគោក ត្រូវបានប្រជាពលរដ្ឋចាប់ខ្លួនប្រគល់ ឱ្យសមត្ថកិច្ចនគរបាលខណ្ឌ៧មករា បន្ទាប់រូបគាត់ បានលួច ឡើងលើផ្ទះគេ ដើម្បីចាប់រំលោភសេពសន្ថវៈលើប្រពន្ឋគេ ខណៈដែលប្តីគេមិននៅផ្ទះ តែពុំបានសម្រេច ។
សូមបញ្ជាក់ថា កាលពីយប់ថ្ងៃទី៣០ ខែវិច្ឆិកា ឆ្នាំ២០១៣ នៅផ្ទះលេខ១៦៨E1 ផ្លូវ២១៥ មុខក្លឹបនិងភោជនីយដ្ឋានអាត្លង់ទិច ស្ថិតក្នុងសង្កាត់វាលវង់ ខណ្ឌ ៧មករា មានហេតុការណ៍ភ្ញាក់ផ្អើលមួយបានកើតឡើងដោយបុរសម្នាក់ត្រូវបានប្រជាពលរដ្ឋចាប់ខ្លួនប្រគល់ ឱ្យសមត្ថកិច្ចនគរបាលខណ្ឌ៧មករា បន្ទាប់បុរសខាងលើ បានលួច ឡើងលើផ្ទះគេ ដើម្បីចាប់រំលោភសេពសន្ថវៈលើប្រពន្ឋគេ ខណៈដែលប្តីគេមិននៅផ្ទះ តែពុំបានសម្រេច៕
Tag: ដើមចេកខ្មែរ , khmer banana news
Source : khmerangkor-news.com
សំគាល:
0 comments: