រហូតមកដល់ថ្ងៃទី៥ ខែធ្នូនេះ គណបក្សសង្គ្រោះជាតិនៅមិនទាន់ទទួលបានការឆ្លើយតបនៅឡើយទេ ពីអជ្ញាធររាជធានីភ្នំពេញ និងខេត្តសៀមរាប ចំពោះសំណើសុំធ្វើមហាបាតុកម្មរបស់ខ្លួន នៅថ្ងៃទី១០ ខែ ធ្នូខាងមុខ។
លោក យ៉ែម បុញ្ញឬទ្ធិ មន្ត្រីនាំពាក្យគណបក្សសង្គ្រោះជាតិ បានបញ្ជាក់ឲ្យដឹងថា គណបក្សលោកមិនទាន់ទទួលបានការឆ្លើយថាយ៉ាងណានៅឡើយទេ ពីសាលារាជធានីភ្នំពេញ និងសាលាខេត្តសៀមរាប។
យ៉ាងណាក៏ដោយលោក ឡុង ឌីម៉ង់ បញ្ជាក់ថា សាលារាជធានីភ្នំពេញ នឹងកោះហៅតំណាងគណបក្សប្រឆាំងចូលមកពិភាក្សាក្នុងពេលឆាប់ៗខាងមុខនេះ។ គួរបញ្ជាក់ថា គណបក្សសង្គ្រោះជាតិគ្រោងនឹងធ្វើមហាបាតុកម្មនៅរាជធានីភ្នំពេញ នៅថ្ងៃទី១០ ខែធ្នូខាងមុខ ដោយមានការដង្ហែក្បួនទៅកាន់មន្ទីររដ្ឋសភា។
ដោយឡែកនៅល្ងាចថ្ងៃដដែលនោះ គណបក្សប្រឆាំងនឹងរៀបចំមហាបាតុកម្មមួយទៀតក្នុងខេត្តសៀមរាប ដោយដង្ហែក្បួនបាតុកម្មពីទីលានអង្គរឃ្យូងយូ ទៅកាន់មុខប្រាសាទអង្គរវត្ត និងព្រះអង្គចេកព្រះអង្គចម៕
សំគាល:
0 comments: