ទុស្សេរ​ខ្សែរ​ភ្លើង​ឆេះ​ផ្ទះ​វិឡា​មួយកន្លែង​ផ្អើល​អ្នកក្រុង​ព្រះសីហនុ សំណាងល្អ​ជួយ​អន្តរាគមន៍​សង្គ្រោះ​ទាន់ពេលវេលា​

​ខេត្ត​ព្រះសីហនុ​៖ ផ្ទះ​វិឡា​មួយកន្លែង​ត្រូវបាន​សមត្ថកិច្ច​ជំនាញ​ពន្លត់អគ្គីភ័យ​នៃ​ស្នងការដ្ឋាន​នគរបាល​ខេត្ត​ព្រះសីហនុ ជួយសង្គ្រោះ​បាន​យ៉ាង​ទាន់ពេលវេលា បន្ទាប់ពី​អគ្គីភ័យ​បានចាប់ផ្តើម​ឆាបឆេះ​វិឡា​មួយកន្លែង​នេះ​ឌោ​យ​សារ​តែ​ ទុស្សេរ​ខ្សែរ​ភ្លើង​ចេញពី​ម៉ាស៊ីន​បោក​សំលៀកបំពាក់​។​ ​

​តាម​ការ​អោយដឹងពី​លោក វរៈសេនីយ៍ត្រី ភុល ភ័​ស្តា អធិការ​ក្រុងព្រះសីហនុ​បានអោយដឹងថា​អគ្គីភ័យ​នេះ​បាន​កើតឡើង​នៅវេលា​ម៉ោង ១១​និង​៣០​នាទី ត្រង់ចំនុច​ផ្ទះ​វិឡា​ជួល​អោយ​ជនបរទេស​មួយកន្លែង​ស្ថិតក្នុង​ក្រុមទី​១៧ ភូមិ​២ សង្កាត់​លេខ​៤ ក្រុង​-​ខេត្ត​ព្រះសីហនុ ដែល​ម្ចាស់​នេះ​មានឈ្មោះ តឹក ងួន​ភេទ ប្រុស​អាយុ ៧០ ឆ្នាំ បាន​ជួល​ទៅអោយ​ជនជាតិ​បារាំង​ជាង​១​ឆ្នាំ​មកហើយ​។ ​

ប្រភព​ដ៏​ដែល​បាន​បន្តថា អគ្គីភ័យ​នេះដែរ​បាន​បង្ករ​ឡើង​ដោយសារ ទុស្សេរ​ខ្សែរ​ភ្លើង​នៃ​ម៉ាស៊ីន​បោក សំលៀកបំពាក់ ដែល​ជនបរទេស​រូបនោះ​បាន​ដោត​ភ្លើង​ជាប់​រហូត ទើប​កើតជា​អណ្តាតភ្លើង​ហុយផ្សែង​ផ្អើល​អស់​ប្រជាពលរដ្ឋ​ដែល​រស់​នៅក្បែរនោះ ប៉ុន្តែ​អគ្គីភ័យ​នេះ​ត្រូវបាន​រលត់ទៅវិញ តែ​ប៉ុន្មាន​នាទី​ក្រោយ​កើតហេតុ​តែប៉ុណ្ណោះ​ដោយសារ​តែមាន​កំលាំង​អន្តរា​គម​ន៏​ពី​កំលាំង​ជំនាញ​នៃ​ការិយាល័យ​បង្ការ និង ពន្លត់អគ្គីភ័យ​នៃ​ស្នងការដ្ឋាន​នគរបាល​ខេត្ត​ព្រះសីហនុ​។ ក្នុង​យុ​ទ្ឋ​នា​ការ​ព​ន្ល​ត៉​អគ្គីភ័យ​នេះ​កំលាំង​ជំនាញ​បាន​ប្រើប្រាស់​ទឹក​អស់​តែ​ចំនួន​មួយ​ឡាន​តែប៉ុណ្ណោះ​។​ ​ ​

សូមប​ញ្ញាក់​ផងដែរ ក្រោយ​កើតហេតុ​ភ្លាមៗ​នេះដែរ​ម្ចាស់ផ្ទះ​ឈ្មោះ តឹក ងួន ក៏បាន​មកដល់​ផ្ទះកើតហេតុ​ផងដែរ ហើយ​បានប្រគល់​ភារកិច្ច​ជួសជុល​ទៅ​ភាគី​អ្នក​ជួល​៕ ដោយ សហការី​ ​

Tag: ដើមចេកខ្មែរ , khmer banana news 

Source : khmerangkor-news