ភរិយា លោក អ៊ុក រ៉ាប៊ុន រដ្ឋមន្ដ្រី ក្រសួងកសិកម្ម ទទួលមរណភាព

ភ្នំពេញ ៖ ភរិយារដ្ឋមន្ដ្រីក្រសួងកសិកម្ម លោក អ៊ុក រ៉ាប៊ុន កាលពីវេលាម៉ោង ៤ និង ១០នាទីរសៀលថ្ងៃទី២៩ ខែវិច្ឆិកា ឆ្នាំ ២០១៣ បានទទួលមរណភាពដោយរោគា ពាធ ក្នុងវ័យ ៥៨ឆ្នាំ ។

យោងតាមសាច់ញាតិរបស់លោក អ៊ុក រ៉ាប៊ុន បានឱ្យដឹងថា សពលោកស្រី គឹម រ៉ាវី ត្រូវបានក្រុមគ្រួសារ និងសាច់ញាតិតម្កល់ ទុកនៅគេហដ្ឋាន ក្នុងសង្កាត់បឹងកេងកង ខណ្ឌចំការមន រៀបចំធ្វើបុណ្យតាមប្រពៃ ណី ៕

Tag: ដើមចេកខ្មែរ , khmer banana news Source: dap-news

http://www.dap-news.com/2011-06-14-02-39-55/76514-2013-11-29-11-59-19.html

អានបន្ត→

ផ្សឹក​សង្ឃ​២​អង្គ​ដែល​លួច​ដោះ​ស្បង់​ចីវរ​ចេញទៅ​ផឹកស៊ី​

ដោយ : សុផល (ថ្ងៃទី 29 វិច្ឆិកា 2013 04:53:PM

ព្រះសង្ឃ​២​អង្គ​ដែល​គង់​រៀនសូត្រ​នៅ​វត្ត​សារាវ័ន្ត​តេ​ជោ​បាន​លួច​ចេញពី​វត្ត​ទាំងយប់​អា​ធ្រា​ត្រ​ហើយ​នាំគ្នា​ទៅ​ដោះ​ស្បង់​ចីវរ នៅ​វត្ត​ទួល​ទំពូង រួច​ក៏​បន្តដំណើរ​ទៅ​ឆាន់​ស្រា​រហូតដល់​វេលា​ជិត​ភ្លឺ ទើប​វិល​ទៅយក​ស្បង់​នៅ​វត្ត​ទួល​ទំពូង​វិញ ក៏ត្រូវ​ចៅអធិការ​វត្ត និង​ព្រះសង្ឃ​នៅ​វត្ត​ទួល​ទំពូង ឃាត់​ព្រះកាយ​ប្រគល់​ទៅ ឲ្យ​នគរបាល​ប៉ុស្តិ៍​ទួល​ទំពូង ទី​១ និង​ការិយាល័យ​ធម្មការ ខណ្ឌចំការមន​។​

    
​ព្រឹក​ឡើង​ថ្ងៃទី​២៩ ខែវិច្ឆិកា ឆ្នាំ​២០១៣ ទើប សមត្ថកិច្ច និង​ការិយាល័យ​ធម្មការ ខណ្ឌចំការមន ធ្វើ​ពិធី​ផ្សឹក និង​អប់រំ​។ ក្រោយពី​ចាប់​ផ្សឹក ការិយាល័យ​ធម្មការ​ខណ្ឌចំការមន បានប្រគល់​ទៅឱ្យ​វត្ត​សារា​វ័ន​តេ​ជោ ចាត់វិធានការ​តាម​វិន័យ​សង្ឃ​។​
    
​តាម​ការរៀប​រាប់រប​ស់​ព្រះសង្ឃ​ទាំង​២​អង្គ ថា នៅវេលា ម៉ោង​៩​យប់ ពួកគេ​បាននាំគ្នា ចេញពី​វត្ត​សារាវ័ន្ត​តេ​ជា មក​ដោះ​ស្បង់​នៅក្នុង​វត្ត​ទួល​ទំពូង រួច​នាំគ្នា​ចេញ​ក្រៅ ទៅ​ផឹក​ប៊ី​យ៉ែ​រ និង​ម្តុំ​សួនច្បារ​ណាហ្គា រហូតដល់​ម៉ោង ២​រំលង​អា​ធ្រា​ត្រ ទើប​នាំគ្នា ត្រឡប់មក​វត្ត​ទួល​ទំពូង​វិញ ក្នុង​បំណង​ស្លៀក​ស្បង់​ចីវរ ក៏ត្រូវ​ចៅអធិការ​វត្ត​ឃើញ និង​ឃាត់ខ្លួន​ប្រគល់​មក​ឲ្យ សមត្ថកិច្ច​តែម្តង​។​
    
​លោក តេង ឈួន ប្រធានការិយាល័យ ធម្មការ​ខណ្ឌចំការមន បាន​ឲ្យ​ដឹងថា ព្រះសង្ឃ​២​អង្គ​ដែល​ត្រូវ​សមត្ថកិច្ច​ឃាត់​នេះ​មួយអង្គ​ព្រះនាម ណុះ សែ​យ័ន្ត អាយុ ១៩​ឆ្នាំ បួស​នៅ​វត្ត​ឯករាជ្យ បាន​៣​វស្សា នៅ​ឃុំ​ព្រៃឈរ ស្រុក​កំពង់ត្របែក ខេត្តព្រៃវែង និង​មួយអង្គ​ទៀត ព្រះនាម ចាន់ រតន​: អាយុ ២៣​ឆ្នាំ បួស​បាន​មួយ​វស្សា នៅ​វត្ត​ទួលប្រាសាទ ឃុំ​សំបួរ ស្រុក​រមាសហែក ខេត្តស្វាយរៀង បច្ចុប្បន្ន​មក​គង់​រៀនសូត្រ​នៅ​វត្ត​សារាវ័ន្ត​តេ​ជោ ខណ្ឌដូនពេញ​៕ 
Tag: ដើមចេកខ្មែរ , khmer banana news 

Source : cen
​

អានបន្ត→

​ពីរ​នាក់​ឡើងទៅ​ជួសជុល​ម៉ាស៊ីនត្រជាក់ នៅលើ​ជញ្ជាំង​រោងចក្រ​បាក់​រន្ទារ​ធ្លាក់​មក​ដី​បាក់ជើង​

ដោយ : សុផល (ថ្ងៃទី 29 វិច្ឆិកា 2013 05:02:PM)

​យុវជន​ជាជាង​ជួសជុល​ម៉ាស៊ីនត្រជាក់​ចំនួន​២​នាក់​បាន​រងរបួស​បាក់ជើង បន្ទាប់ពី​ពួកគេ​បាន​ឡើង​តាម​ជញ្ជាំង​រោងចក្រ ដែលមាន​កំពស់​ប្រមាណ​១០​ម៉ែត្រ តាម​រន្ទារ​ទៅ​ជួសជុល​ម៉ាស៊ីនត្រជាក់ ហើយ​ចៃដន្យ​ត្រូវ​បាក់​ធ្លាក់​មក​ដី​កាលពី​ថ្ងៃទី​២៩ ខែវិច្ឆិកា​ឆ្នាំ​២០១៣​វេលា​ម៉ោង​១០​ព្រឹក​។​ភ្លាមៗ​នោះ​ជនរងគ្រោះ​ត្រូវបាន​អ្នកធ្វើការ​ជាមួយ​ដឹកយក​ទៅ​សង្គ្រោះបន្ទាន់​នៅ​ម​ន្ទើ​រ​ពេទ្យ​ព្រះកុសុមៈ​។​

​ហេតុការណ៍​នេះ​បាន​កើតឡើង​នៅក្នុង​រោងចក្រ​ទី​៩ ដែល​ទើបតែ​សាងសង់​ថ្មី មាន​ទីតាំង​នៅក្នុង​សួន​ឧស្សាហកម្ម​វឌ្ឍនៈ​២ តាម​បណ្តោយ​ផ្លូវជាតិ​លេខ​៣ ក្នុងភូមិ​ទឹកថ្លា សង្កាត់​ក្រាំង​ពង្រ ខណ្ឌដង្កោ ។​

​អ្នករងរបួស​ទី​១. លី ហូ​វ  អាយុ​១៩​ឆ្នាំ មាន​ស្រុកកំណើត​នៅ​ស្រុក​បារាយណ៍ ខេត្តកំពង់ធំ​និង​ទី​២ ហូ ពី​ណា  អាយុ​១៨​ឆ្នាំមាន​ស្រុកកំណើត​ភូមិ​ត្រពាំង​ស្វា ឃុំ​ភ្នំ​កុង ស្រុក​អង្គរជ័យ ខេត្តកំពត​។​

​អ្នក​ទាំង​២​ស្នាក់នៅ​បន្ទប់​ផ្ទះជួល​នៅ​ភូមិ​ក្បាលដំរី សង្កាត់​កា​កាប ខណ្ឌ​ពោធិ៍​សែន​ជ័យ​។​

​បច្ចុប្បន្ន​អ្នក​ទាំង​២​បាន​កំពុង​សម្រាក​ព្យាបាល​នៅ​ម​ន្ទើ​រ​ពេទ្យ​ព្រះ​កុ​សុ​មះ​ហៅ​ពេទ្យ​លោកសង្ឃ​៕

Tag: ដើមចេកខ្មែរ , khmer banana news 

Source : cen

អានបន្ត→

លោក ភី រិ​ទ្ធ អតីត​អនុប្រធាន​ពន្ធដា​ខេត្ត​ព្រះសីហនុត្រូវបាន​បញ្ជូន​ខ្លួន​មកដល់​សាលាដំបូង​ខេត្ត​ព្រះសីហនុ​វិញ

ដោយ : សុផល (ថ្ងៃទី 29 វិច្ឆិកា 2013 08:16:PM)

លោក ភី រិ​ទ្ធ អតីត​អនុប្រធាន​ពន្ធដា​ខេត្ត​ព្រះសីហនុត្រូវបាន​បញ្ជូន​ខ្លួន​មកដល់​សាលាដំបូង​ខេត្ត​ព្រះសីហនុ​វិញ នៅ​ម៉ោង​ប្រមាណ ១២ ថ្ងៃត្រង់ ថ្ងៃទី​២៩ខែវិច្ឆិកា ឆ្នាំ​២០១៣​នេះ ដើម្បី​តុលាការ​ចាត់ការ​តាមច្បាប់​។​អង្គភាព​ប្រឆាំង​អំពើពុករលួយបាន​កោះអញ្ជើញ លោក ភី រិ​ទ្ធ យកទៅ​សាកសួរ និង​ធ្វើការ​ឃាត់ខ្លួន​នៅ​ទីក្រុង​ភ្នំពេញ កាលពី​ថ្ងៃទី​២៧ខែវិច្ឆិកា​ឆ្នាំ​២០១៣​។​ ​ ​ ​នៅ​រសៀល​ថ្ងៃទី​២៩ ខែវិច្ឆិកា ឆ្នាំ​២០១៣​នេះព្រះរាជអាជ្ញា​អម​សាលាដំបូង​ខេត្ត​ព្រះសីហនុ ទើប​ចាប់ផ្តើម​សាកសួរ​ដំណើររឿងដោយ​មិនទាន់បាន​លទ្ធផល​ជា​ដុំកំភួន​នៅឡើយ​ទេ​។​ ​ ​ ​ទោះជា​យ៉ាងនេះ​ក្តី អង្គភាព​ប្រឆាំង​អំពើពុករលួយបានធ្វើការ​ចោទប្រកាន់ និង​ឃាត់ខ្លួន​លោក ភី រិ​ទ្ធ អំពី​អំពើពុករលួយដោយ​យក​បាក់​ថ្លៃ​សេវា​ពន្ធ​ដីធ្លី​លើស​ចំនួន​ច្បាប់​កំណត់​ទៅហើយ​។​ ​ ​ ​ប្រជាពលរដ្ឋ​នៅ​ក្រុងព្រះសីហនុបាន​បង្ហើប​ថា អង្គភាព​ពន្ធដា​ខេត្ត​ព្រះសីហនុ មិន​មានតែ​លោក ភី រិ​ទ្ធ​ម្នាក់​នោះទេគឺ​នៅមាន​មន្ត្រី​ពន្ធដា​ច្រើន​នាក់​បន្ថែមទៀត ដូចជាការកំណត់​ប្រាក់​បង់ពន្ធ​ដី​ផ្ទះ​ដែល​ហាងឆេង​នៅលើ​បបូ​មាត់ និង​ក៏មាន​មន្ត្រី​ពន្ធដា​ខ្លះទៀតចូលចិត្ត​ដើរ​ប្រមូលប្រាក់​ដាក់​ហោ​បាវ​ដោយ​គ្មាន​វិក្ក​យ​ប័ត្រ​ត្រឹមត្រូវ​។​ប្រការនេះ​អង្គភាព​ប្រឆាំង​អំពើពុករលួយ​គប្បី​ស្រាវជ្រាវ​រក​ឫសគល់​ប​ន្ថែ​ម​ទៀត​៕លោក ភី រិ​ទ្ធ អតីត​អនុប្រធាន​ពន្ធដា​ខេត្ត​ព្រះសីហនុ ត្រូវបាន​បញ្ជូន​ខ្លួន​មកដល់​សាលាដំបូង​ខេត្ត​ព្រះសីហនុ​ពីបទ អំពី​អំពើពុករលួយ ដោយ​យក​បាក់​ថ្លៃ​សេវា​ពន្ធ​ដីធ្លី​លើស​ចំនួន​ច្បាប់​កំណត់​ទៅហើយ

បុរស​ជនជាតិ​ចិន​បួន​នាក់ ជា​បុគ្គលិក​ស្ថាបនា​ផ្លូវថ្នល់ នៅ​ខេត្តព្រះវិហារ បាន​ឆបោក​យក​រថយន្ត​មួយគ្រឿង ពី​ស្ត្រី​ម្នាក់ នៅ​ខេត្តព្រះវិហារ ហើយ​ត្រូវ​ប៉ូលិស​ខណ្ឌ​ពោធិ៍​សែន​ជ័យ សហការ​ជាមួយ​ប៉ូលិស​ក្រសួងមហាផ្ទៃ ឃាត់ខ្លួន​បាន កាលពី​វេលា​ម៉ោង ៣ រសៀល ថ្ងៃទី​២៩ វិច្ឆិកា​នេះ នៅក្នុង​ផ្ទះ​លេខ E16 នៅក្នុង​បុរី​ញូ​វ​ថោ​ន ស្ថិត​ក្នុងភូមិ​ព្រៃទា សង្កាត់​ចោមចៅ ខណ្ឌ​ពោធិ៍​សែន​ជ័យ​។​​ប៉ូលិស​បាន​និយាយថា ស្ត្រីជន​រងគ្រោះ​ឈ្មោះ គឹម ស៊ី​វុត្ថា អាយុ ២៧ ឆ្នាំ ស្នាក់នៅ​ភូមិ​គោក​ឃ្លៀង សង្កាត់​កា​កាប ខណ្ឌ​ពោធិ៍​សែន​ជ័យ​។ រថយន្ត​ដែល​ពួក​ចិន​ឆបោក​ម៉ាក តា​កូ​ម៉ា (Tacoma) ពណ៌​ទឹកប្រាក់ សា្ល​ក​លេខ ស្វាយរៀង 2A 2299​។ ចំណែក​ជនសង្ស័យ​ជនជាតិ​ចិន​បួន​នាក់ ក្នុងនោះ ជនដៃដល់​ឈ្មោះ​ជុង អាយុ ៤២ ឆ្នាំ​។​

​ជនរងគ្រោះ​បាន​បំភ្លឺ​ប្រាប់​ប៉ូលិស​ថា កាលពី​ព្រឹក​ថ្ងៃទី​២៧ ខែវិច្ឆិកា​កន្លងទៅ បុរស​ឈ្មោះ​ជុន បាន​ទូរស័ព្ទ​ហៅ​នារី​រងគ្រោះ មកជួប​នៅ​ការដ្ឋាន​សង់​ផ្លូវថ្នល់​នៅ​ខេត្តព្រះវិហារ រួចហើយ​ខ្ចី​រថយន្ត​ដឹក​ឥ​វ៉ាន់​ពី​ការដ្ឋាន​មកវិញ​។ ខ្ចី​បាន​រថយន្ត​ហើយ ជនជាតិ​ចិន​ទាំង​បួន​ក៏​លែង​ត្រឡប់មកវិញ​។ ជនរងគ្រោះ​បានដាក់​ពាក្យបណ្តឹង​មក​ក្រសួងមហាផ្ទៃ ហើយ​នៅលើ​រថយន្ត​របស់គាត់​មាន​បំពាក់​ប្រព័ន្ធ GPS​។ តាមរយៈ​ប្រព័ន្ធ​នេះ ជនរងគ្រោះ​បានដឹង​ពី​កន្លែង​ដែល​ជនល្មើស​យកទៅ​លាក់ ហើយ​ប៉ូលិស​ខណ្ឌ​ពោធិ៍​សែន​ជ័យ និង​ក្រសួងមហាផ្ទៃ ក៏​ក្របួច​បានតែ​ម្តង​។ 

​បច្ចុប្បន្នកំពុង​សួរចម្លើយ​នៅ​ខណ្ឌ​ពោធិ៍​សែន​ជ័យ ព្រមទាំង​ដកហូត​រថយន្ត​មកវិញ លុយ​អាមេរិក​ជាង ២ ពាន់​ដុល្លារ លុយ​ខ្មែរ​ជាង ២ ម៉ឺន​រៀល និង​សម្ភារៈ​មួយចំនួនទៀត​៕

ចាប់បុរស​ជនជាតិ​ចិន​បួន​នាក់ ជា​បុគ្គលិក​ស្ថាបនា​ផ្លូវថ្នល់ នៅ​ខេត្តព្រះវិហារ ពីបទឆបោក​យក​រថយន្ត​ Tacoma ពី​ស្ត្រី​ម្នាក់ នៅ​ខេត្តព្រះវិហារ

​Tag: ដើមចេកខ្មែរ , khmer banana news 

Source : cen

អានបន្ត→

​បញ្ជូន​ខ្លួន​អតីត​អនុប្រធាន​ពន្ធដា ខេត្ត​ព្រះសីហនុ មក​សាលាដំបូង​ខេត្ត​

ដោយ : សមុទ្រ (ថ្ងៃទី 29 វិច្ឆិកា 2013 03:07:PM)

លោក ភី រិ​ទ្ធ អតីត​អនុប្រធាន​ពន្ធដា​ខេត្ត​ព្រះសីហនុ ត្រូវបាន​បញ្ជូន​ខ្លួន​មកដល់​សាលាដំបូង​ខេត្ត​ព្រះសីហនុ​វិញ នៅ​ម៉ោង​ប្រមាណ ១២ ថ្ងៃត្រង់ ថ្ងៃទី​២៩ ខែវិច្ឆិកា ឆ្នាំ​២០១៣​នេះ ដើម្បី​តុលាការ​ចាត់ការ​តាមច្បាប់​។​អង្គភាព​ប្រឆាំង​អំពើពុករលួយ បាន​កោះអញ្ជើញ លោក ភី រិ​ទ្ធ យកទៅ​សាកសួរ និង​ធ្វើការ​ឃាត់ខ្លួន​នៅ​ទីក្រុង​ភ្នំពេញ កាលពី​ថ្ងៃទី​២៧ ខែវិច្ឆិកា​ឆ្នាំ​២០១៣​។​
​    ​
​នៅ​រសៀល​ថ្ងៃទី​២៩ ខែវិច្ឆិកា ឆ្នាំ​២០១៣​នេះ ព្រះរាជអាជ្ញា​អម​សាលាដំបូង​ខេត្ត​ព្រះសីហនុ ទើប​ចាប់ផ្តើម​សាកសួរ​ដំណើររឿង ដោយ​មិនទាន់បាន​លទ្ធផល​ជា​ដុំកំភួន​នៅឡើយ​ទេ​។​
​    ​
​ទោះជា​យ៉ាងនេះ​ក្តី អង្គភាព​ប្រឆាំង​អំពើពុករលួយ បានធ្វើការ​ចោទប្រកាន់ និង​ឃាត់ខ្លួន​លោក ភី រិ​ទ្ធ អំពី​អំពើពុករលួយ ដោយ​យក​បាក់​ថ្លៃ​សេវា​ពន្ធ​ដីធ្លី​លើស​ចំនួន​ច្បាប់​កំណត់​ទៅហើយ​។​
​    ​
​ប្រជាពលរដ្ឋ​នៅ​ក្រុងព្រះសីហនុ បាន​បង្ហើប​ថា អង្គភាព​ពន្ធដា​ខេត្ត​ព្រះសីហនុ មិន​មានតែ​លោក ភី រិ​ទ្ធ​ម្នាក់​នោះទេ គឺ​នៅមាន​មន្ត្រី​ពន្ធដា​ច្រើន​នាក់​បន្ថែមទៀត ដូចជា ការកំណត់​ប្រាក់​បង់ពន្ធ​ដី​ផ្ទះ​ដែល​ហាងឆេង​នៅលើ​បបូ​មាត់ និង​ក៏មាន​មន្ត្រី​ពន្ធដា​ខ្លះទៀត ចូលចិត្ត​ដើរ​ប្រមូលប្រាក់​ដាក់​ហោ​បាវ​ដោយ​គ្មាន​វិក្ក​យ​ប័ត្រ​ត្រឹមត្រូវ​។​ប្រការនេះ​អង្គភាព​ប្រឆាំង​អំពើពុករលួយ​គប្បី​ស្រាវជ្រាវ​រក​ឫសគល់​ប​ន្ថែ​ម​ទៀត​៕

លោក ភី រិ​ទ្ធ អតីត​អនុប្រធាន​ពន្ធដា​ខេត្ត​ព្រះសីហនុ ត្រូវបាន​បញ្ជូន​ខ្លួន​មកដល់​សាលាដំបូង​ខេត្ត​ព្រះសីហនុ​ ពីបទ អំពី​អំពើពុករលួយ ដោយ​យក​បាក់​ថ្លៃ​សេវា​ពន្ធ​ដីធ្លី​លើស​ចំនួន​ច្បាប់​កំណត់​ទៅហើយ

Tag: ដើមចេកខ្មែរ , khmer banana news 

Source : cen

អានបន្ត→

ចូលតាមគេទៅផ្ទះសំណាក់ហើយត្រូវគេរំលោភ?

ដោយ : មង្គល (ថ្ងៃទី 29 វិច្ឆិកា 2013 02:56:PM)

ស្ត្រី​អាយុ​១៩​ឆ្នាំ​ម្នាក់ បាន​ប្ដឹង​ចោទប្រកាន់​បុរស​ម្នា​ក់ថា​បាន​ចាប់រំលោភ​រូបនាង​បានសម្រេច នៅផ្ទះ​សំណាក់ ។​ប៉ូលិស​ក្រុង​បាត់ដំបង បាន​ឃាត់ខ្លួន​បុរស​សង្ស័យ​កសាង​សំណុំរឿង​បញ្ជូនទៅ​តុលាការ​បាត់ដំបង នៅ​ព្រឹក​ថ្ងៃទី​២៩ ខែវិច្ឆិកា ឆ្នាំ​២០១៣  ក្រោយពេល​ឃាត់ខ្លួន​កាលពី​រសៀល​ថ្ងៃទី​២៧ ខែវិច្ឆិកា​ឆ្នាំ​២០១៣ នៅ​ចំណុច​ផ្ទះ​ជនសង្ស័យ នៅ​ភូមិ​ចម្ការ​ឬ​ស្សី សង្កាត់​ព្រែក​ព្រះស្តេច ក្រុង​បាត់ដំបង​។​
​    
​ប៉ូលិស​ក្រុង​បាត់ដំបង បាន​ឲ្យ​ដឹងថា បុរស​នោះ​ឈ្មោះ ម៉ក់ រតនា អាយុ​២៤​ឆ្នាំ ។ ម៉ក់ រតនា​បាន​ប្រព្រឹត្តិ​អំពើ​ដូច​បាន​ចោទ​កាលពី​យប់​ថ្ងៃទី​២៥ ខែវិច្ឆិកា ឆ្នាំ​២០១៣ នៅផ្ទះ​សំណាក់​យីហោ ស៊ីដនី ស្ថិតក្នុង​ក្រុមទី​៨ ភូមិ​រំចេក​៣ សង្កាត់រ​តន់​ក្រុង​-​ខេត្តបាត់ដំបង​។​
​    ​
​នារី​រងគ្រោះ បានបញ្ជាក់​ប្រាប់​ប៉ូលិស​ថា បុរស​សង្ស័យ​ធ្លាប់​ស្គាល់គ្នា​ជាមួយ​នាង កាលពី​នៅ​តូចៗ​។ នៅ​ល្ងាច​ថ្ងៃទី​២៥ ខែវិច្ឆិកា រូបនាង  បាន​ទៅលេង​នៅ​ផ្សា​ទំនើប​ថ្មី​ស្ថិតនៅ​ក្នុងភូមិ​កម្មករ សង្កាត់​ស្វាយប៉ោ ក្រុង​បាត់ដំបង ហើយ​បាន​ជួបគ្នា​និង​ជនសង្ស័យ​និយាយ​គ្នា​រហូតដល់​ម៉ោង​៩​យប់ ថ្ងៃទី​២៥ ខែវិច្ឆិកា​នោះ​។ បន្ទាប់មក​បុរស​សង្ស័យ​បាន​បបួល​នាង​ឲ្យ​ឡើង​ជិះ​ម៉ូតូ​ជាមួយ​ថា ឌុប​ជូនទៅ​ផ្ទះ​របស់​នាង​។ ប៉ុន្តែ​ពេលធ្វើ​ដំណើរ​មក​មិនទាន់​ដល់ផ្ទះ​នាង​
​ទេ បុរស​សង្ស័យ​បាន​បត់​ម៉ូតូ​ចូលទៅ​ផ្ទះសំណាក់​យីហោ ស៊ីដនី ជួល​បន្ទប់​ស្នាក់ ហើយ​ចាប់រំលោភ​នាង​រហូត​បា​នស​ម្រេច​តែម្តង ទោះបីជា​នាង​ខំ​រើ​បម្រាស់​និង​យំ​អង្វរ​យ៉ាងណា​បុរស​សង្ស័យ​មិន​ស្តាប់​ដែរ​។​
​    ​
​បុរស​ឈ្មោះ ម៉ក់ រតនា បាន​សារភាព​តែ​ជន​នោះបាន​បញ្ជាក់ថា “​ការរួម​រ័ក្ស​នោះ​គឺ​ដោយមាន​ការព្រមព្រៀង ដោយ​មិនមាន​ការចាប់​បង្ខំ​ទេ​។ បើសិនជា​នាង​មិន​ព្រមព្រៀង​នោះ មិនអាច​នាំ​ចូលទៅ​បន្ទប់​ផ្ទះសំណាក់​បាន​ស្រួលៗ ឬ​នាង​អាច​ស្រែក​ផ្អើល​គេ​ផ្អើល​ឯង​ជាមិនខាន​”​។​
​    ​
​លោក ធុច រ៉ា អធិការ​ប៉ូលិស​ក្រុង​បាត់ដំបង បាន​ប្រាប់​ឲ្យ​ដឹងថា បុរស​សង្ស័យ​បាន​សារភាព គឺ​ស៊ីសង្វាក់​ក្នុង​អង្គហេតុ​ដើមបណ្តឹង​របស់​នារីរ​ង​គ្រោះ ទើប​លោក ឡុង ហុក​ម៉េង ព្រះរាជ​អា​ជា្ញ​រង​សាលាដំបូង​ខេត្តបាត់ដំបង បញ្ជា​ឲ្យ​កសាង​សំណុំរឿង​បញ្ជូនទៅ​តុលាការ នៅ​ព្រឹក​ថ្ងៃទី​២៩ ខែវិច្ឆិកា​នេះ ដើម្បី​ចាត់ការ​ទៅតាម​ផ្លូវច្បាប់​៕

ជនសង្ស័យ​ឈ្មោះ ម៉ក់ រតនា ចាប់ខ្លួនពីរំលោភនារីម្នាក់ក្នុងផ្ទះសំណាក់

Tag: ដើមចេកខ្មែរ , khmer banana news 

Source : cen

អានបន្ត→

ជប៉ុន​ផ្តល់​ជិត​២០​ម៉ឺន​ដុល្លារ សំរាប់​មជ្ឈមណ្ឌល​សិក្សា​សហគមន៍​តាម​ជនបទ​នៅ​កំពង់ធំ និង​សៀមរាប

ជប៉ុន​ផ្តល់​ជិត​២០​ម៉ឺន​ដុល្លារ សំរាប់​មជ្ឈមណ្ឌល​សិក្សា​សហគមន៍​តាម​ជនបទ​នៅ​កំពង់ធំ និង​សៀមរាប

ដោយ : វិចិត្រ (ថ្ងៃទី 29 វិច្ឆិកា 2013 05:20:PM)

• 

  (1 of 3)
• 

  (2 of 3)
• 

  (3 of 3)

រដ្ឋាភិបាល​ជប៉ុន បានផ្តល់​ប្រាក់​សរុប​ចំនួន ១៥.៤៩៤.៩៦៦ យ៉េន ស្មើនឹង​ប្រមាណ ១៨៨.៩៦៣ ដុល្លារ​អាមេរិក ដល់​អង្គការ​សន្តិ​ស្ម័គ្រចិត្ត SVA ដើម្បី​អនុវត្ត​គម្រោង​លើកស្ទួយ​មជ្ឈមណ្ឌល សិក្សា​សហគមន៍ នៅតាម​តំបន់​ជនបទ នៃ​ប្រទេស​កម្ពុជា​។​

​កិច្ចសន្យា​ផ្តល់ជំនួយ​នេះ ក្រោម​ជំនួយ​ឧបត្ថម្ភ​ឥត​សំណង សម្រាប់​គម្រោង​របស់​អង្គការក្រៅរដ្ឋាភិបាល​ជ​ប៉ុន ត្រូវបាន​ចុះហត្ថលេខា​ដោយ​លោក គូ​ម៉ា​ម៉ា​រ៉ូ យូ​ជិ ឯកអគ្គរាជទូត​វិសាមញ្ញ និង​ពេញ​សមត្ថភាព​របស់​ប្រទេស​ជប៉ុន ប្រចាំ​កម្ពុជា និង​លោកស្រី យ៉ាម៉ា​ម៉​តូ អេ រី នាយិកា​អង្គការ​សន្តិ​ស្ម័គ្រចិត្ត​SVA នៅ​រសៀល​ថ្ងៃទី​២៩ ខែ​វិ​ចិ្ឆ​កា ឆ្នាំ​២០១៣ នៅ​ស្ថានទូត​ជប៉ុន ប្រចាំ​នៅ​កម្ពុជា​។​

​លោក គូ​ម៉ា​ម៉ា​រ៉ូ យូ​ជិ ឯកអគ្គរាជទូត ជប៉ុន ប្រចាំ​កម្ពុជា បាន​មានប្រសាសន៍ថា ៖ ថ្ងៃនេះ​ខ្ញុំ​មាន​សេចក្តីសោមនស្ស​រីករាយ​ខ្លាំងណាស់ ដោយបាន​ចុះហត្ថលេខា លើ​កិ​ច្ចស​ន្យ​ផ្តល់​ហិរញប្បទាន​ឥត​សំណង សំរាប់​គំរោង "​ការលើកស្ទួយ​មជ្ឈមណ្ឌល​សិក្សា​សហគមន៍ ក្នុង​តំបន់​ជនបទ នៃ​ប្រទេស​កម្ពុជា​" របស់​សមាគម​សន្តិ​ស័​គ្រ​ចិត្ត​អន្តរជាតិ (SVA) ដែលជា​ជំនួយ ហិរញប្បទាន ឥត​សំណង សម្រាប់​គម្រោង​របស់​អង្គការ ក្រៅ​រដ្ឋាភិបាល​ជប៉ុន​។ សមាគម​សន្តិ​ស្ម័គ្រចិត្ត​អរ​ន្ត​ជាតិ (SVA) បាននិងកំពុង​ពង្រីក​សកម្មភាព​ផ្តល់ជំនួយ​ជាច្រើន​នៅ​កម្ពុជា​អស់​រយៈពេល​​ជាង​៣០​ឆ្នាំ​មកហើយ​។ ក្នុងនាម​រដ្ឋាភិបាល​ជ​ប៉ុន ក៏​បាននិងកំពុង​បន្ត​កិច្ចសហប្រតិបត្តិកា​រយ៉ា​ង​ជិតស្និទ្ធ​ជាមួយ​សមាគម​​នេះ​ផងដែរ​។​ សមាគម​សន្តិ​ស្ម័គ្រចិត្ត​អន្តរជាតិ​(SVA) បាននិងកំពុង​ធ្វើ​សកម្មភាព​ដោយ​ផ្តោតទៅលើ​ការគាំទ្រ លើ​ការបណ្តុះ​​បណ្តាល​ធនធានមនុស្ស ​និង​វិស័យ​អប់រំ ហើយ​ខ្ញុំ​សង្ឃឹមថា គំរោង​លើក​នេះ នឹង​រួមចំណែក​យ៉ាង​ធំ​ផងដែរ ដល់​ការលើកកម្ពស់​​កំរិត​អក្ខរកម្ម​នៅ​តំបន់​ជនបទ​។​

​លោក​បាន​បន្ថែមថា លើក​នេះ  កិច្ច​ការដែល SVA នឹង​អនុវត្តន៍​នោះ​គឺ ការកសាង​ម​ជ្ឈ​ម​មណ្ឌល​សិក្សា​សហគមន៍​នៅក្នុង​តំបន់​ជនបទ​ចំនួន​២ នៃ​ខេត្តកំពង់ធំ​និង​ខេត្តសៀមរាប​។ យោងតាម ជំរឿន​ប្រជាជន ឆ្នាំ​២០០៨ ឃើញថា​កំរិត​អក្ខរកម្ម​របស់​ប្រជាជន​ដែលមាន​អាយុ​ក្រោម​១៥​ឆ្នាំ​គឺ មាន​ប្រហែល​៩០%​នៅ​តំបន់​ទីក្រុង ផ្ទុយទៅវិញ​គឺមាន​តែ​ប្រហែល ៧៣% ប៉ុណ្ណោះ នៅ​តំបន់​ជនបទ ជាពិសេស​នោះ​គឺ កំរិត​អក្ខរកម្ម​របស់​ស្ត្រី​នៅ​តំបន់​ជនបទ នៅមានកំរិត​ទាប​គួរអោយកត់សំគាល់​។ 
​តាមរយៈ​គំរោង​នេះ​ប្រជាជន​ក្នុង​ឃុំ​នី​ពេ​ជ ស្រុក​កំពង់ស្វាយ ខេត្តកំពង់ធំ និង​ប្រជាជន​ក្នុង​ឃុំ​រោង​គោង ស្រុក​ក្រឡាញ់ ខេត្តសៀមរាប ចំនួន​ប្រហែល ៩២០០​នាក់ នឹង​ទទួលបាន​សមត្ថ​ភាពជា​មូលដ្ឋាន​គ្រិះ​ដូចជា ចេះ​គណនា ចេះ​អាន​និង​សរសេរ​ដោយ​ឆ្លង​តាមរយៈ ការសិក្សា​អក្ខរកម្ម​។ ជាងនេះទៅទៀត នឹង​ទទួលបាន​នូវ​ចំណេះដឹង​ទាក់ទង​នឹង​សុខភាព​និង អនាម័យ​យ៉ាង​ចាំបាច់​ដើម្បី​ធ្វើការ​កែលម្អ​ជីវភាព រស់នៅ របស់​ពួកគាត់​។​

​ចំណែក​លោកស្រី យ៉ាម៉ា​ម៉​តូ អេ រី នាយិកា​អង្គការ​សន្តិ​ស្ម័គ្រចិត្ត​SVA បាន​មានប្រសាសន៍​ដែរ​ថា នេះ​ជា​គម្រោង​រយៈពេល​៣​ឆ្នាំ នៅក្នុង​តំបន់​ជនបទ​ក្រីក្រ​នៃ​ប្រទេស​កម្ពុជា ជាអាទិ៍​មាន ខេត្តកំពង់ធំ សៀមរាប និង​ខេត្តបន្ទាយមានជ័យ ជាដើម ដែល​ការ​ផ្តល់ជំនួយ​ផ្នែក​អប់រំ​នូវមានកម្រិត​នៅឡើយ​៕​

លោក គូ​ម៉ា​ម៉ា​រ៉ូ យូ​ជិ ឯកអគ្គរាជទូត​វិសាមញ្ញ និង​ពេញ​សមត្ថភាព​របស់​ប្រទេស​ជប៉ុន ប្រចាំ​កម្ពុជា និង​លោកស្រី យ៉ាម៉ា​ម៉​តូ អេ រី នាយិកា​អង្គការ​សន្តិ​ស្ម័គ្រចិត្ត​ SVA  ក្នុងពិធីចុះហត្ថលេខាកិច្ចសន្យា​ផ្តល់ជំនួយ

លោក គូ​ម៉ា​ម៉ា​រ៉ូ យូ​ជិ រួមទាំងបុគ្គលិក អង្គការ​សន្តិ​ស្ម័គ្រចិត្ត​SVA ថតរូបអនុស្សាវរីយ៍

Tag: ដើមចេកខ្មែរ , khmer banana news 

Source: cen

អានបន្ត→

ក្រុមកម្មករ​រោងចក្រ SL បន្ត​កូដកម្ម និង​ព្រមាន​ហែ​ក្បួន​ធំ​ម្តងទៀត នៅ​ថ្ងៃទី​៣​ធ្នូ ព្រោះ​មិនទាន់​ទទួលដំណឹង​ពី​ការចរចា​ត្រូវរ៉ូវ​គ្នា​នៅឡើយ​

(ថ្ងៃទី 29 វិច្ឆិកា 2013, ម៉ោង 02:00:PM) | ដោយ: លីសិលា

ភ្នំពេញ: ​រហូតមកដល់​ព្រឹក​ថ្ងៃទី​២៩ ខែវិច្ឆិកា ឆ្នាំ​២០១៣ ក្រុមកម្មករ​រោងចក្រ SL នៅតែ​បន្ត​កូដកម្ម និង​បិទផ្លូវ​លេខ ៣៧១ នៅមុខ​រោងចក្រ ក្នុង​សង្កាត់​បឹងទំពុន ខណ្ឌមានជ័យ រាជធានី​ភ្នំពេញ​។ កម្មករ​ទាំងនោះ ក៏​គ្រោង​នឹង​ដើរ​ហែ​ក្បួន ស្វែងរក​អន្តរាគមន៍​ជាថ្មី នា​ថ្ងៃទី​៣ ខែធ្នូ​។ នេះ​បើតាម​តំណាង​កម្មករ​កាត់ដេរ SL លោក តេង រី​។​

​លោក តេង រី ស្ថិតក្នុង​ចំណោម​កម្មក​រ SL ចំនួន ១៩ នាក់ ដែល​ថៅកែ​រោងចក្រ មិន​ព្រម​ទទួល​ឲ្យ​ចូលធ្វើការ​ឡើងវិញ​នោះ បាន​ឲ្យ​ដឹងថា រហូតដល់​ព្រឹក​ថ្ងៃទី​២៩​វិច្ឆិកា​នេះ ក្រុមកម្មករ នៅ​មិនទាន់បាន​ទទួលដំណឹង​ផ្លូវការ ពី​កិច្ចព្រមព្រៀង​ចុងក្រោយ​រវាង​ថៅកែ​រោងចក្រ និង​រដ្ឋមន្ត្រីក្រសួង​ការងារ ដែល​បាន​ជួបគ្នា កាលពី​ថ្ងៃទី​២៧​វិច្ឆិកា​។ ក្នុងនោះ ថៅកែ​រោងចក្រ SL បាន​ព្រមព្រៀង ទទួលយក​កម្មករ​ទាំង ១៩ នាក់ ឲ្យ​ចូលធ្វើការ​ឡើងវិញ​នោះឡើយ​។​

​លោក តេង រី បន្តថា បើសិនជា​មានការ​ព្រម​ព្រៀង ទទួលយក​តំណាង​កម្មករ​ទាំង ១៩ នាក់ ឲ្យ​ចូលធ្វើការ​ឡើងវិញ មែន​នោះ គឺ​គម្រោង​ធ្វើ​កូដកម្ម និង​ការគ្រោង​ដើរ​ហែ​ក្បួន​តាមផ្លូវ ក៏ត្រូវ​បញ្ចប់ ហើយ​កម្មករ​ទាំងអស់ ក៏​នឹង​ចូលធ្វើការ​ឡើងវិញ​ផងដែរ​។​
​សូម​រម្លឹកថា ក្រសួង​ការងារ និង​បណ្តុះបណ្តាល​វិជ្ជាជីវៈ កាលពី​ថ្ងៃទី​២៨ ខែវិច្ឆិកា  បានប្រកាសថា ជម្លោះ​ដ៏​រ៉ាំរ៉ៃ ដែល​បានអូសបន្លាយ​ជាង ៣​ខែ​មកហើយ នៅក្នុង​រោងចក្រ SL ត្រូវបាន​ដោះស្រាយ​បញ្ចប់​ទាំងស្រុង​ហើយ​។ នោះ​គឺ​ថៅកែ​រោងចក្រ SL នៅ​រាជធានី​ភ្នំពេញ បាន​ព្រមព្រៀង ទទួលយក​តំណាង​កម្មករ ១៩ នាក់ ដែល​ដឹកនាំ​ការតវ៉ា​កន្លង​កម ឲ្យ​ចូលធ្វើការ​ឡើងវិញ​។​

​សេចក្តីជូនដំណឹង​រប​ស់​ក្រសួង​ការងារ និង​បណ្តុះបណ្តាល​វិជ្ជាជីវៈ បង្ហាញថា ថៅកែ​រោងចក្រ SL បាន​យល់ព្រម​ទទួលយក​តំណាង​កម្មករ​ទាំង ១៩​នាក់ ឲ្យ​ចូលធ្វើការ​វិញ ទៅតាម​សំណូមពរ​របស់​សម្តេច​នាយករដ្ឋមន្ត្រី ហ៊ុន សែន ។ ការព្រមព្រៀង​គ្នា​នោះ បានធ្វើ​ឡើង ក្នុងជំនួប​ពិភាក្សាគ្នា​រវាង​លោក អ៊ិត សំហេង រដ្ឋមន្ត្រីក្រសួង​ការងារ និង​បណ្តុះបណ្តាល​វិជ្ជាជីវៈ ជាមួយ​អគ្គនាយក​ក្រុមហ៊ុន SL កាលពី​រសៀល​ថ្ងៃទី​២៧​វិច្ឆិកា​។​

​ជាការ​កត់សម្គាល់ ជម្លោះ​ការងារ​នៅ​រោងចក្រ SL បានកើត​ឡើង​ជាង ៣ ខែ​មកហើយ​។ កម្មករ​រាប់ពាន់នាក់ បានធ្វើ​កូដកម្ម មិន​ចូលធ្វើការ ហែ​ក្បួន​ធ្វើបាតុកម្ម​តាមផ្លូវ និង​បិទផ្លូវ​មុខ​រោងចក្រ ជាដើម​។ កូដកម្ម​របស់​កម្មក​រ SL ក៏​ទទួលរង​នូវ​ការបង្ក្រាប បំបែក ពី​សំណាក់​ប៉ូលិស និង​ប៉េអឹម រហូតដល់​ព្រឹត្តិការណ៍​ចុងក្រោយ កាលពី​ថ្ងៃទី​១២​វិច្ឆិកា ឆ្នាំ​២០១៣ នៅមុខ​វត្ត​ស្ទឹងមានជ័យ ដែល​បណ្តាល​ឲ្យ​ស្ត្រី​អ្នកលក់​បាយ​ម្នាក់ ស្លាប់ ដោយ​គ្រាប់កាំភ្លើង និង​ជាច្រើន​នាក់​ផ្សេងទៀត រងរបួស​៕​ 

Tag: ដើមចេកខ្មែរ , khmer banana news 

Source : cen

អានបន្ត→

​កម្ពុជា​ឆ្នាំ​២០៣០​ពលរដ្ឋ​ត្រូវមាន​ចំណេះដឹង​យ៉ាង​ទាប​បំផុត​កម្រិត​អប់រំ​មូលដ្ឋាន​៩​ឆ្នាំ​

(ថ្ងៃទី 29 វិច្ឆិកា 2013, ម៉ោង 12:15:PM) | ដោយ: កូឡាប

:ភ្នំពេញ. ពលរដ្ឋ​ខ្មែរ​ទាំងអស់គ្នា​ត្រូវ​ប្រឹងប្រែង​ឲ្យ​សម្រេច​សកល​កម្មក​អប់រំ​មូលដ្ឋាន ៩​ឆ្នាំ​នៅ​ឆ្នាំ​២០៣០​។ ១៥​ឆ្នាំ​ទៀត ប្រជាជន​កម្ពុជា​ត្រូវតែមាន​កំរិត​ចំណេះដឹង​យ៉ាង​ទាប​បំផុត ៩​ឆ្នាំ​អប់រំ​មូលដ្ឋាន​។ 

​លោក ណាត ប៊ុន​រឿន រដ្ឋលេខាធិការ ក្រសួង​អប់រំ យុវជន​និង​កីឡា​ថ្លែង​បែបនេះ​នៅក្នុង​ពិធី​ប្រគល់​សម្ភារៈ​ព័ត៌មានវិទ្យា តម្លៃ​សរុប ៤៩៥.៤៣៥ ដុល្លារ​អាមេរិក ដែលជា​ជំនួយ​របស់​អង្គការ​យូ​នី​សេ​ហ្វ ដល់​ការិយាល័យ​អប់រំ​ស្រុក​ចំនួន ៩៦ មន្ទីរអប់រំ យុវជន និង​កីឡា ២៤ រាជធានី​ខេត្ដ នាយកដ្ឋាន​ជំនាញ​ចំនួន ១២ និង​គ្រឹះស្ថាន​អប់រំ​ឧត្ដមសិក្សា​ចំនួន ២ នៅ​ព្រឹក​ថ្ងៃ​សុក្រ ទី​២៩ ខែវិច្ឆិកា ឆ្នាំ​២០១៣ នៅ​វិទ្យាស្ថាន​បច្ចេកវិទ្យា​កម្ពុជា (ITC)​។​

​លោកណាត​ប៊ុន​រឿន​បាន​ប្រសាសន៍ថា​ការអប់រំ​កម្រិត​៦​ឆ្នាំ​យើង​បានសម្រេច​ហើយ​កាលពី​ឆ្នាំ​១៩៩៧​។​យើង​ចង់​អភិវឌ្ឍ​ប្រទេស​ដែលមាន​មូលធន​ល្អ​ត្រូវតែ​ទាមទារ​ឲ្យ​បាន​នូវ​ការចេះដឹង​។​បើ​យើង​អត់​ចេះតែ​គឺ​យ៉ាប់​។​សង្គម​ពុទ្ធិ​ទាមទារ​នូវ​បច្ចេកវិទ្យា​ព័ត៌មាន​ហើយ​យើង​ត្រូវ​គិត​ទាំងអស់គ្នា​ចាប់ពី​នេះ​តទៅ​។​យើង​បាន​ប្តេជ្ញា​នៅ​ឆ្នាំ​២០៣០​កម្ពុជា​នឹង​ក្លាយទៅជា​ប្រទេស​ដែល​ទទួលបាន​នូវ​ចំណូល​មធ្យម​កំរិត​ខ្ពស់​នៅ​ឆ្នាំ​២០៣០៕​

លោក ណាត ប៊ុន​រឿន រដ្ឋលេខាធិការ ក្រសួង​អប់រំ យុវជន និង​កីឡា

Tag: ដើមចេកខ្មែរ , khmer banana news 

Source : cen 

អានបន្ត→

រត់ប្រណាំងពាក់កណ្តាល ម៉ារ៉ាតុង នៅអង្គរវត្ត ថ្ងៃទី១ធ្នូ ដើម្បីបង្កើនសន្ទុះកាត់បន្ថយការឆ្លងជំងឺអេដស៍

​​(ថ្ងៃទី 29 វិច្ឆិកា 2013, ម៉ោង 11:38:AM) | ដោយ: លី សិលា

សៀមរាប: ក្រុម​អង្គការ​សង្គម​ស៊ីវិល បំពេញការងារ​ប្រយុទ្ធ​នឹង​ជំងឺអេដស៍ បានរៀបចំ​ព្រឹត្តិការណ៍ រត់ប្រណាំង​ពាក់កណ្តាល ម៉ា​រ៉ា​តុង នៅ​ប្រាសាទអង្គរវត្ត ក្នុង​ខេត្តសៀមរាប នា​ថ្ងៃអាទិត្យ ទី​១ ខែធ្នូ ឆ្នាំ​២០១៣​។ ព្រឹត្តិការណ៍​កីឡា​នោះ ដើម្បី​បង្កើន​សន្ទុះ ឆ្ពោះទៅ​សម្រេច​គោលដៅ​សូន្យ​បី ក្នុងការ​កាត់បន្ថយ​ការឆ្លង​រាលដាល​មេរោគ​អេដស៍​។ នោះ​គឺ គ្មាន​ការឆ្លង​ថ្មី គ្មាន​ការរើសអើង និង​គ្មាន​ការស្លាប់ ទាក់ទង​នឹង​ជំងឺអេដស៍ ឱ្យបាន​ក្នុង​ឆ្នាំ​២០២០​។​

​សេចក្តីប្រកាស បាន​លើកឡើងថា ព្រឹត្តិការណ៍​កីឡា​រត់ប្រណាំង​ពាក់កណ្តាល ម៉ា​រ៉ា​តុង នៅ​អង្គរវត្ត​នោះ រៀបចំឡើង​ដោយ​អង្គការ​សង្គម​ស៊ីវិល រួមមាន អង្គការ​ខា​ណា គណៈកម្មាធិការ​សំរបសំរួល​ប្រយុទ្ធ​នឹង​ជំងឺអេដស៍ បណ្តាញ​ស្ត្រី​ធ្វើការ​នៅតាម​កន្លែង​កម្សាន្ត អង្គ​ការកសាង​បណ្តាញ​អ្នករស់នៅ​ជាមួយ​មេរោគ​អេដស៍​នៅ​កម្ពុជា បណ្តាញ​អ្នកប្រើប្រាស់​ថ្នាំ​ពន្យារ​ជីវិត និង​អង្គការ​សង្គម​ស៊ីវិល ជាច្រើន​ទៀត​។​

​សេចក្តីប្រកាស បាន​បន្តថា សម្រាប់​ទិវា​ប្រយុទ្ធ​ប្រឆាំងនឹង​ជំងឺអេដស៍ ១ ធ្នូ ខាងមុខនេះ បុគ្គលិក​អង្គការ ខា​ណា គណៈកម្មាធិការ​សំរបសំរួល​ប្រយុទ្ធ​នឹង​ជំងឺអេដស៍ និង​អង្គការ​ខាងលើ រួមទាំង​ក្រុម​ប្រជាពលរដ្ឋ​ងាយ​រងគ្រោះ​បំផុត ប្រមាណ ២០០ នាក់ នឹងចូលរួម​អបអរសាទរ​ទិវា​ទិ​ភព​លោក​ប្រយុទ្ធ​នឹង​ជំងឺអេដស៍ តាមរយៈ​ការរត់​ប្រណាំង​អន្តរជាតិ ពាក់កណ្តាល​ម៉ា​រ៉ា​តុង នៅ​អង្គរវត្ត លើក​ទី​១៨ នៅ​ទីលាន​មុខ​ប្រាសាទអង្គរវត្ត ខេត្តសៀមរាប​។ 

​សេចក្តីប្រកាស បាន​បន្តថា នៅ​ម៉ោង ៦​ព្រឹក ថ្ងៃទី​១​ធ្នូ នៅ​ទីកន្លែង​រត់ប្រណាំង នឹងមាន​សន្និសីទ​សារព័ត៌មាន​មួយ ដើម្បី​ជម្រាបជូន​ពី​សកម្មភាព​ថ្មីៗ និង​ការ​វិវឌ្ឍន៍​ថ្មីៗ​របស់​អង្គការ​សង្គម​ស៊ីវិល ក្នុងការ​ប្រយុទ្ធប្រឆាំង​នឹង​ជំងឺអេដស៍ រួមទាំង​ស្ថានភាព​មេរោគ​អេដស៍ និង​ជំងឺអេដស៍ ក្នុងប្រទេស​កម្ពុជា​ផងដែរ​។ 

​របាយការណ៍​របស់​ម​ជ្ឈ​មណ្ឌល​ជាតិ​ប្រយុទ្ធ​នឹង​ជំងឺអេដស៍ សើ​ស្បែក និង​កាមរោគ បង្ហាញថា នៅ​ប្រទេស​កម្ពុជា នៅ​ឆ្នាំ​២០១៣​នេះ មាន​អ្នករស់នៅ​ជាមួយ​មេរោគ​អេដស៍ ប្រមាណ ៧១.៣៤៧ នាក់ ដែល​នៅ​ក្នុងនេះ មាន​ស្ត្រី​ប្រមាណ ៣៨.៤២០ នាក់​។ បន្ថែម​លើ​នេះ នៅមាន​កុមារ ទើបនឹង​កើត រហូតដល់​អាយុ ១៤ ឆ្នាំ ដែល​រស់នៅ​ជាមួយ​មេរោគ​អេដស៍ ចំនួន ៦.៨៥០ នាក់ ក្នុងនោះ មាន ៣.៣៥៤ នាក់ ជា​កុមារី​។ 

​របាយការណ៍​ដដែល ក៏បាន​បង្ហាញថា ប្រទេស​កម្ពុជា មាន​មនុស្សពេញវ័យ និង​កុមារ​ជាង ៩០ ភាគរយ​ហើយ ក្នុងចំណោម​អ្នក​ផ្ទុកមេរោគ​អេដស៍ ទទួលបាន​ឱសថ​ព្យាបាល​មេរោគ​អេដស៍ តាមរយៈ​ការពង្រីក​ការថែទាំ​បន្ត  ដែល​ចំនួន​នេះ បានទទួល​ការអបអរសាទរ​ពី​អង្គការសហប្រជាជាតិ និង​បណ្តា​ប្រទេស​នានា នៅលើ​ពិភពលោក ជាពិសេស​នៅ​អាស៊ី​ប៉ាស៊ីហ្វិក​៕​ 

Tag: ដើមចេកខ្មែរ , khmer banana news 

Source; cen 

អានបន្ត→

ចាប់ខ្លួនមន្ត្រីអគ្គិសនីខេត្តមណ្ឌលគិរី ចំនួន២នាក់ រឿងកឹបកេងលុយរដ្ឋ ប្រមាណ ១០ ម៉ឺនដុល្លារ

(ថ្ងៃទី 29 វិច្ឆិកា 2013, ម៉ោង 10:53:AM) | ដោយ: មុនីរាជ

ភ្នំពេញ: មន្ត្រី​អគ្គិសនី​ខេត្ត​មណ្ឌល​គិ​រី ចំនួន​២​នាក់ ត្រូវបាន​អង្គភាព​ប្រឆាំង​អំពើពុករលួយ ចាប់ខ្លួន​បញ្ជូន​ទៅកាន់​តុលាការខេត្ត​មណ្ឌល​គិរី ពាក់ព័ន្ធ​ទៅនឹង​ការប្រព្រឹត្ត​អំពើពុករលួយ កឹ​ប​កេង​លុយ​រដ្ឋ ប្រមាណ ១០ ម៉ឺន​ដុល្លារ ហើយ​ត្រូវបាន​ឃុំខ្លួន កាលពី​ថ្ងៃទី​២៧ ខែវិច្ឆិកា ឆ្នាំ​២០១៣​។ 

​លោក​ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ បាន​មានប្រសាសន៍​នៅ​ព្រឹក​ថ្ងៃទី​២៩ ខែវិច្ឆិកា ឆ្នាំ​២០១៣ នៅក្នុង​បទសម្ភាសន៍​ជាមួយ CEN ថា “​ខាង​អគ្គិសនី យើង​បាន​ចាប់ខ្លួនមន្ត្រី​អគ្គិសនី ពីរ​នាក់ នៅ​ខេត្ត​មណ្ឌល​គិ​រី ហើយ​យើង​បាន​បញ្ជូនទៅ​តុលាការ ធ្វើការ​ចោទប្រកាន់​រួចហើយ កាលពី​ម្សិល​ម្ងៃ​(២៧ វិច្ឆិកា​) អា​នឹង​យើង​រកឃើញថា គាត់​បាន​កឹ​ប​កេង​លុយ​របស់​រដ្ឋ ប្រហែលជា ១០ ម៉ឺន​ដុល្លារ​”​។​

​មន្ត្រី​អគ្គិសនី ២​នាក់ ដែល​ចាប់ខ្លួន មានឈ្មោះ សួត សារី​ម មាន​តួនាទី​ជា​បុគ្គលិក​ផ្នែក​អាជីវកម្ម និង​អ្នកស្រី នី សុពណ៌ មាន​តួនាទី​ជា​ជំនួយការ​បេឡា​។​

​គួរ​បញ្ជាក់ថា អង្គភាព​ប្រឆាំង​អំពើពុករលួយ បានចេញ​សេចក្តីជូនដំណឹង ចុះ​ថ្ងៃទី​២៦ ខែវិច្ឆិកា ឆ្នាំ​២០១៣ បាន​ឲ្យ​ដឹងថា ក្រុមប្រឹក្សា​ជាតិ​ប្រឆាំង​អំពើពុករលួយ បាន​បើក​កិច្ចប្រជុំ​លើក​ទី​៣៥ ដោយមាន​វត្តមាន​សរុប​ចំនួន ១០​រូប លើ ១១ រូប ហើយ​បាន​ដំណើរការ ក្រោម​អធិបតីភាព លោក តុ​ប សំ ប្រធាន​ក្រុម​ប្រឹក្សាជាតិ​ប្រឆាំង​អំពើពុករលួយ ដោយបាន​សម្រេច​លទ្ធផល​ដូចតទៅ​៖ ក្រុមប្រឹក្សា​ជាតិ​ប្រឆាំង​អំពើពុករលួយ បាន​ពិនិត្យ​ពិភាក្សា និង​អនុម័ត​កំណត់ហេតុ​កិច្ចប្រជុំ​លើក​ទី​៣៤​។​

​ក្រុមប្រឹក្សា​ជាតិ​ប្រឆាំង​អំពើពុករលួយ បាន​ស្ដាប់​របាយការណ៍​ការងា​រ​ក្នុង​ខែវិច្ឆិកា ឆ្នាំ​២០១៣ របស់​ប្រធាន​អង្គភាព​ប្រឆាំង​អំពើពុករលួយ ដូចជា​៖ ករណី​មិន​ប្រកាស​ទ្រព្យសម្បត្តិ និង​បំណុល ពី​សំណាក់​មន្ត្រីជាន់ខ្ពស់ ដែល​ត្រូវ​បានបញ្ចប់​ពីមុខ​តំណែង​។ មន្ត្រី​ខ្មោច និង​មន្ត្រី​មានតែ​ឈ្មោះ (​មិន​មក​ធ្វើការ​) ក៏​ជា​មូលបទ​នៃ​ការ​កេង​យក​ផលប្រយោជន៍​ខុសច្បាប់ ដែល​ប្រធាន​ស្ថាប័ន ប្រធាន​អង្គភាព ត្រូវ​ទទួលខុស​ត្រូវចំ​ពោះ​មុខ​ច្បាប់​។ 

​ករណី​ប្រធានការិយាល័យ​សង្គមកិច្ច​ស្រុក​ស្រី​សន្ធរ ខេត្តកំពង់ចាម ករណី​នៅ​ខេត្ត​ព្រះសីហនុ ខេត្តកំពង់ធំ ខេត្តសៀមរាប ខេត្តបាត់ដំបង និង​ខេត្តមណ្ឌលគិរី ដែល​អង្គភាព​ប្រឆាំង​អំពើពុករលួយ កំពុងដំណើរការ​។ ករណី​របាយការណ៍រ​បស់​មូលនិធិ​ពិភពលោក (Global Fund) ដែល​បាន​លើក​ពី​បាតុភាព នៅ​ផ្នែក​ជំងឺគ្រុនចាញ់ ផ្នែក​ជំងឺអេដស៍ និង​អង្គការ​មេ​ឌី​កាំ (Medicam)៕

លោក​ទេសរដ្ឋមន្ត្រី ឱម យ៉ិនទៀង ប្រធាន​អង្គភាព​ប្រឆាំង​អំពើពុករលួយ

Tag: ដើមចេកខ្មែរ , khmer banana news 

Source: cen

អានបន្ត→

អ៊ី​ន​ធើ​ណិ​ត​ផ្តល់​អ្វីខ្លះ​?

(ថ្ងៃទី 29 វិច្ឆិកា 2013, ម៉ោង 10:51:AM) | ដោយ: CEN

ភ្នំពេញ: មនុស្ស​គឺជា​ជន​ដែលមាន​ប្រាជ្ញា​ឈ្លាសវៃ​ជាងគេ​បំផុត​ក្នុង​លោក និង​បាន​ព្យាយាម​ធ្វើ​អ្វីៗ​គ្រប់យ៉ាង​ដើម្បី​ឲ្យ​ជីវិត​រស់នៅ​មាន​ភាពប្រសើ​រ និង​កាន់តែ​ងាយស្រួល​ជាង​មុន​។ តួយ៉ាង​ចាប់តាំងពី​ចុង​សតវត្សរ៍​ទី​២០​មក មនុស្ស​បាន​បង្កើត​នូវ​ភាព​អស្ចារ្យ​ជាច្រើន ដែល​យើង​នឹកស្មាន​មិន​ដល់​។ ក្នុងចំណោម​ភាព​អស្ចារ្យ​ទាំងនោះ រួមមាន​ការបង្កើតឡើង​នូវ​ប្រព័ន្ធ​អ៊ី​ន​ធើ​ណិ​ត​ជាដើម​។​

​មនុស្ស​ជាច្រើន​នាក់​បាននិងកំពុង​រីក​រាយ​នឹង​ការប្រើប្រាស់ និង​ការកម្សាន្ត​ជាមួយនឹង​ប្រព័ន្ធ​មួយ​នេះ​នៅ​គ្រប់​ទីកន្លែង​ទាំងអស់​ទូទាំង​ពិភពលោក ដោយសារ​វា​ជា​ប្រភព​ផ្តល់ព័ត៌មាន​ដែលមាន​សារប្រយោជន៍​រួមទាំង​ឯកសារ របាយការណ៍ សៀវភៅ និង​ការស្រាវជ្រាវ​ជាច្រើន​ទៀត​។​

​ចាប់តាំងពី​មាន​អ៊ី​ន​ធើ​ណិ​ត​នៅក្នុង​ជីវិត​រស់នៅ​ប្រចាំថ្ងៃ​របស់​យើង រហូតមកដល់​សព្វថ្ងៃ​នេះ សិស្សានុសិស្ស​លែង​សូវ​ចំណាយ​ពេលវេលា​ច្រើន​នៅក្នុង​បណ្ណាល័យ នៅពេល​ពួកគេ​ចង់​ស្រាវជ្រាវ ឬ​ធ្វើ​កិច្ចការងារ​អ្វីមួយ​ដែល​គ្រូ​ដាក់​ឲ្យ​។​

​ជាពិសេស​ពួកគេ​កាន់តែ​សន្សំសំចៃ​ពេលវេលា និង​ការចំណាយ​ថែមទៀត ដូចជា​នៅ​ខណៈពេលដែល​ពួកគេ​ចង់ដឹង​ពីអ្វី​មួយ ពួកគេ​មិនចាំបាច់​ចំណាយលុយ​ដើម្បី​ទិញ​សៀវភៅ​នោះទេ ដោយ​ពួកគេ​ងាក​មកប្រើប្រាស់​អ៊ី​ន​ធើ​ណិ​ត​ជំនួស​វិញ​។​

​លើសពីនេះទៅទៀត អ៊ី​ន​ធើ​ណិ​ត​ត្រូវបាន​ក្រុមហ៊ុន និង​អ្នក​ប្រកប​អាជីវកម្ម​មួយចំនួន​ប្រើប្រាស់​ជា​មធ្យោបាយ​សម្រាប់​ផ្សព្វផ្សាយ​លក់​ផលិតផល និង​សេវាកម្ម​ផ្សេងៗ ព្រមទាំង​ជួយ​ឲ្យ​អាជីវកម្ម​របស់​ពួកគេ​កាត់បន្ថយ​ទៅលើ​ការចំណាយ​ផងដែរ​។​

​កញ្ញា លាង បូ​រ័ត្ន ប្រធាន​ផ្នែក​សេវា​អតិថិជន​របស់​ក្រុមហ៊ុន Ezecom លើកឡើងថា “​អ៊ី​ន​ធើ​ណិ​ត គឺជា​ប្រភព​ឬ​បណ្ណាល័យ​មួយ​ដែលមាន​លក្ខណៈ​ទូលំទូលាយ និង​គួរ​ឲ្យ​ទុកចិត្ត​បំផុត​ដែល​មិន​ធ្លាប់មាន​ពីមុនមក​។ គ្រប់​ពេលដែល​យើង​ត្រូវការ​ព័ត៌មាន យើង​គ្រាន់តែ​ទៅកាន់​កុំព្យូទ័រ​របស់​យើង ឬ​ទៅកាន់​អ៊ី​ន​ធើ​ណិ​ត​កាហ្វេ​នោះ នោះ​យើង​នឹង​អាច​ស្វែងរក​នូវ​អ្វីដែល​យើង​ចង់បាន​”៕

​លាង បូ​រ័ត្ន ប្រធាន​ផ្នែក​សេវា​អតិថិជន​របស់​ក្រុមហ៊ុន​Ezecomk

Tag:ដើមចេកខ្មែរ , khmer banana news 

អានបន្ត→

ព្រះមហាក្សត្រ ត្រាស់បង្គាប់កែសម្រួល និងតែងតាំងបន្ថែម សមាសភាពថ្នាក់ដឹកនាំ អាជ្ញាធរជាតិប្រយុទ្ធនឹងជំងឺអេសដ៍

(ថ្ងៃទី 29 វិច្ឆិកា 2013, ម៉ោង 09:31:AM) | ដោយ: មុនីរាជ

ព្រះសីហនុ: បន្ទាប់ពី​បែកធ្លាយ នូវ​រឿងអាស្រូវ ក្នុងការ​ប្រព្រឹត្ត​អំពើពុករលួយ កឹ​ប​កេង​ថវិកា​របស់​មូលនិធិ​សកល ដែល​គេ​រកឃើញថា មាន​ការជាប់​ពាក់ព័ន្ធ​ជាមួយ​មន្ត្រីជាន់ខ្ពស់​មួយចំនួន នៅក្នុង​អាជ្ញាធរ​ជាតិ​ប្រយុទ្ធ​នឹង​ជំងឺ​អេស​ដ៍ ស្ថិតក្រោម​ការគ្រប់គ្រង​របស់​ក្រសួងសុខាភិបាល​នោះ ស្ថាប័ន​មួយ​នេះ ត្រូវបានធ្វើ​ការកែសម្រួល និង​ធ្វើការ​តែងតាំង​សមាសភាព​ថ្នាក់ដឹកនាំ​។​

​ព្រះករុណា ព្រះបាទ​សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃ​ព្រះរាជាណាចក្រ​កម្ពុជា បានចេញ​ព្រះរាជក្រឹត្យ ចុះ​ថ្ងៃទី​១៨ ខែវិច្ឆិកា ឆ្នាំ​២០១៣ បាន​ត្រាស់បង្គាប់​កែសម្រួល និង​ធ្វើការ​តែងតាំង​បន្ថែម​សមាសភាព​ថ្នាក់ដឹកនាំ នៃ​អាជ្ញាធរ​ជាតិ​ប្រយុទ្ធ​នឹង​ជំងឺ​អេស​ដ៍​៖

១.​លោក​ម៉ម ប៊ុនហេង អនុប្រធាន​ទី​១ បន្ថែម​លើ​មុខងារ​បច្ចុប្បន្ន​
២.​លោក​លី ប៉ូរ អនុប្រធាន​ប្រចាំការ មាន​ឋានៈ​ស្មើ រដ្ឋមន្ត្រី​
៣.​លោក​ស៊ឹម គឹម​សែន អនុប្រធាន មាន​ឋានៈ​ស្មើ រដ្ឋលេខាធិការ​
៤.​លោក​អ៊ឹង វុទ្ធី អនុប្រធាន មាន​ឋានៈ​ស្មើ រដ្ឋលេខាធិការ​
៥.​លោក​កៅ ទ្រី អនុប្រធាន មាន​ឋានៈ​ស្មើ រដ្ឋលេខាធិការ​
៦.​លោក​ទា ផល្លា អនុប្រធាន មាន​ឋានៈ​ស្មើ រដ្ឋលេខាធិការ​
៧.​លោក​គង់ រដ្ឋា អនុប្រធាន មាន​ឋានៈ​ស្មើ រដ្ឋលេខាធិការ បន្ថែម​លើ​មុខងារ​បច្ចុប្បន្ន​។​
៨.​លោក​ឡឹម ពេ​ជ្ញ​ពិសី ទីប្រឹក្សា មាន​ឋានៈ​ស្មើ រដ្ឋលេខាធិការ​
៩.​លោកជំទាវ ស៊ឹម ខេង​ខាំ អនុប្រធាន មាន​ឋានៈ​ស្មើ អនុរដ្ឋលេខាធិការ​
១០.​លោក​ជា សំអាន អនុប្រធាន មាន​ឋានៈ​ស្មើ អនុរដ្ឋលេខាធិការ​
១១.​លោក​តែង គ​ន្ធី អគ្គលេខាធិការ មាន​ឋានៈ​ស្មើ​អនុរដ្ឋលេខាធិការ​
១២.​លោក​ហោ ប៊ុន​ឡេង អគ្គលេខាធិការរង មាន​ឋានៈ​ស្មើ អគ្គនាយក​
១៣.​លោក​អ៊ុក វ​ឌ្ឍ​នា ទីប្រឹក្សា មាន​ឋានៈ​ស្មើ អគ្គនាយក​។​

​សម្តេច​អគ្គមហាសេនាបតី​តេ​ជោ  ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ត្រូវ​ទទួលបន្ទុក​អនុវត្ត​ព្រះរាជក្រឹត្យ​នេះ ចាប់ពី​ថ្ងៃ​ឡាយ​ព្រះ​ហស្តលេខា​តទៅ​៕ 

Tag: ដើមចេកខ្មែរ , khmer banana news 

Source: cen 

អានបន្ត→

នារីស្រស់ស្អាតម្នាក់ដើរសួរប្រុសៗតាមផ្លូវនៅរួមភេទជាមួយនៅសណ្ឋាគារ(មានvideo)

The Woman Ask Men At Public Street To Motel With Her.

In China, most guys would go straight away. Shows the difference in class and standards between Chinese and Taiwanese society.

Like a woman ask men to motel with her, it is strange story in Taiwanese society.

  

អានបន្ត→

លោក កឹម សុខា​៖ គណបក្ស​សង្គ្រោះ​ជាតិ មិន​ទាក់ទង​នឹង​បាតុកម្ម​របស់​បក្សប្រឆាំង​ថៃ​ទេ​

ភ្នំពេញ: ​លោក កឹម សុខា អនុប្រធាន​គណបក្ស​ស​ង្គ្រោះ​ជាតិ បានប្រកាសថា គណបក្សប្រឆាំង​របស់​លោក គឺ​មិនមាន​ការទាក់ទង​អ្វី​សោះឡើយ ទៅនឹង​បាតុកម្ម របស់​គណបក្សប្រឆាំង ក្នុងប្រទេស​ថៃ​។ ​មុនពេល​ឡើង​យន្តហោះ ពី​ភ្នំពេញ ឆ្ពោះទៅកាន់​សហរដ្ឋអាមេរិក នា​រសៀល​ថ្ងៃទី​២៨ ខែវិច្ឆិកា ឆ្នាំ​២០១៣ លោក កឹម សុខា បាន​មានប្រសាសន៍ថា គណបក្ស​សង្គ្រោះ​ជាតិ របស់លោក ដែល​ធ្វើបាតុកម្ម​តវ៉ា​កន្លងមក ហើយ​គ្រោង​នឹង​ជួបជុំ តវ៉ា​ជាថ្មី នា​ថ្ងៃទី​១០​ធ្នូ និង​ថ្ងៃទី​១៥​ធ្នូ ព្រមទាំង​រៀងរាល់​ថ្ងៃអាទិត្យ​បន្តបន្ទាប់​ទៅទៀត​នោះ គឺ​មិនមាន​ទំនាក់ទំនង​អ្វី​ទៅនឹង​គណបក្សប្រឆាំង នៅ​ប្រទេស​ថៃ​ទេ​។​

​លោក កឹម សុខា បាន​បញ្ជាក់ថា "​យើង​អត់​មាន​ទំនាក់ទំនង​អី​ទេ​។ អត់​សោះ​។ បាតុកម្ម​របស់​យើង គឺ​យើង​បានធ្វើ​យូរហើយ​"​។​
​លោក កឹម សុខា ក៏បាន​ឲ្យ​ដឹងថា ពី​ដំណើរ​ទៅ​ក្រៅប្រទេស​របស់​មេដឹកនាំ​បក្សប្រឆាំង​ទាំងពីរ​រូប គឺ​រូបលោក​ផ្ទាល់ ចេញដំណើរ​ទៅ​អាមេរិក នា​រសៀល​ថ្ងៃទី​២៨​វិច្ឆិកា​នេះ​។ ដោយឡែក លោក​សមរង្ស៊ី បាន​ចាក​ចេញទៅ​ប្រទេសមួយ​ចំនួន​នៅ​សហភាព​អឺរ៉ុប ចាប់តាំងពី​ថ្ងៃទី​២៤ ខែវិច្ឆិកា ឆ្នាំ​២០១៣​។ មេដឹកនាំ​ទាំងពីរ គ្រោង​នឹង​វិល​ត្រលប់ មក​ភ្នំពេញ​វិញ ឲ្យ​បាន មុន​ថ្ងៃទី​១០ ខែធ្នូ ឆ្នាំ​២០១៣ ដើម្បី​ចូលរួម​ក្នុង​ពិធី​ជួបជុំ​ទិវា​សិទ្ធិមនុស្ស​អន្តរជាតិ ថ្ងៃ​១០​ធ្នូ ដែល​បក្សប្រឆាំង​គ្រោង​នឹង​ជួបជុំ នៅ​ភ្នំពេញ​ផង និង​នៅ​ខេត្តសៀមរាប​ផង​។​

​លោក កឹម សុខា បាន​លើកឡើងថា "​ដំណើរ​របស់ខ្ញុំ ទៅ​អាមេរិក លើក​នេះ ដោយសារតែ​បងប្អូន​ខ្មែរ​នៅ​សហរដ្ឋអាមេរិក​នឹង គាត់​ចង់ដឹង​អំពី​គោលជំហរ​ពិតប្រាកដ ជាក់លាក់​របស់​គណបក្ស​សង្គ្រោះ​ជាតិ ហើយ​គាត់​ចង់​ឲ្យ​ខ្ញុំ​ហ្នឹង​ទៅ ដើម្បី​បញ្ជាក់​ឲ្យ​គាត់ បានច្បាស់លាស់​អំពី​គោលជំហរ​របស់​យើង​"៕  

- source : cen 

អានបន្ត→

សាលក្រម​សម្រេច​អោយ យុ​ត្ថា រ៉ា​ឆា​នី និង ច​ន ច​ន្ទ័​លក្ខិណា លែងលះគ្នា​ជា​ផ្លូវការ​

ភ្នំពេញ: ​នៅ​ទីបំផុត​ទៅ សាលក្រម​នៃ​បណ្តឹង​លែងលះ​រវាង​លោក យុ​ត្ថា រ៉ា​ឆា​នី និង ច​ន ច​ន្ទ័​លក្ខិណា ត្រូវបាន​សាលាដំបូង​រាជធានី​ភ្នំពេញ​ប្រកាស​ហើយ ដោយ​អោយ​អ្នក​ទាំងពីរ ចែកផ្លូវ​គ្នា​ទៅតាម​ច្បាប់ ។​
​    ​បើទោះជា​ការប្រកាស​សាលក្រម​មិនបាន​បញ្ចេញ​អោយដឹង​ជា​សាធារណៈ​យ៉ាងណាក៏ដោយ ប៉ុន្តែ​ប្រភពពី​មន្ត្រី​តុលាការ​បានអោយដឹងថា សាលក្រម​មាន​៣​ចំណុច​ធំៗ​៖ ទី​១ តម្រូវអោយ​លោក យុ​ត្ថា រ៉ា​ឆា​នី និង​នាង ច​ន ច​ន្ទ័​លក្ខិណា លែងលះគ្នា​ទៅតាម​ច្បាប់ ។ ទី​២ ប្រគល់​កូនស្រី​ដែលជា​ចំណងដៃ​អាពាហ៍ពិពាហ៍​តែមួយគត់​ក្រោយ​រួមរស់​ជាមួយគ្នា​អស់​រយៈពេល​ជាង​១០​ឆ្នាំ​ទៅអោយ​ឳ​ពុក​ជា​អ្នកគ្រប់គ្រង និង​ថែរក្សា និង​ទី​៣ បែងចែក​ទ្រព្យសម្បត្តិ​ជា​ពីរ​ស្មើៗ​គ្នា ។​
​    ​ប្រភព​ដដែល​អះអាងថា មុន​សាលក្រម​ប្រកាស តារា​សម្តែង​ទាំងពីរ​រូបនេះ​បាន​ចូល​ទាញហេតុផល​ផ្ទាល់មាត់​កាលពី​ថ្ងៃទី​៣១ ខែតុលា ឆ្នាំ​២០១៣ ក្នុងនោះ​ក៏មាន​ការចូលរួម​ពី​សំណាក់​ចាស់ទុំ​ទាំងសងខាង ព្រមទាំង​មេធាវី​ផងដែរ ។​
​    ​ការសម្រេចចិត្ត​ចែកផ្លូវ​គ្នា​រវាង​លោក យុ​ត្ថា​រ៉ា​ឆា​នី និង​នាង ច​ន ច​ន្ទ័​លក្ខិណា កន្លងមក​ធ្លាប់មាន​ពាក្យ​ច​ចាម​អារាម​លើកឡើងថា បណ្តាលមកពី​មាន​អ្នក​ទី​បី​ដែលជា​មន្ត្រី​យោធា​ថ្នាក់ខ្ពស់​ម្នាក់ បាន​ចូលមក​ជ្រែក ។ ប៉ុន្តែ​យ៉ាងណា ថ្មីៗ​នេះ​ទាំង​នាង ច​ន ច​ន្ទ័​លក្ខិណា ក៏ដូចជា​មន្ត្រី​យោធា​រូប នោះបាន​ចេញមក​ច្រានចោល​នូវ​ពត៌មាន​នោះ ។ នាង ច​ន ច​ន្ទ័​លក្ខិណា បានធ្វើការ​បញ្ជាក់ថា មិនមាន​ការពាក់​ព​ន្ធ័​ទៅនឹង​រឿង​ស្នេហា​ត្រីកោណ​ទេ ហើយ​មន្ត្រី​យោធា​ពាក់​ផ្កាយ​លើ​ស្មា​នោះ​ក៏បាន​ចេញមក​ប្រកាសថា មិន​ជាប់​ពាក់​ព​ន្ធ័​នឹង​ករណី លែងលះគ្នា​រវាង​នាង ច​ន ច​ន្ទ័​លក្ខិណា និង​ស្វាមី​ផងដែរ ៕

​    ​    ​    ​    ​    ​    ​    ​

​នៅ​ទីបំផុត​ទៅ សាលក្រម​នៃ​បណ្តឹង​លែងលះ​រវាង​លោក យុ​ត្ថា រ៉ា​ឆា​នី និង ច​ន ច​ន្ទ័​លក្ខិណា ត្រូវបាន​សាលាដំបូង​រាជធានី​ភ្នំពេញ​ប្រកាស​ហើយ ដោយ​អោយ​អ្នក​ទាំងពីរ ចែកផ្លូវ​គ្នា​ទៅតាម​ច្បាប់

- See more at: http://www.cen.com.kh/localnews/show_detail/23?token=Mjc4MzdmZm#sthash.jMNs4aDS.GqKfF9mw.dpuf

អានបន្ត→

លោក ថោង ខុន៖«​បាតុកម្ម​​នៅ​​សៀម​រាប​​ប្រៀប​ដូច​ជា​​គ្រាប់​បែក​​ផ្ទុះ​»​

(អត្ថបទចុះ​ផ្សាយ​នៅ​ថ្ងៃ    27-11-2013, 7:54 pm)  |  ដោយ គី សុខ​លីម

ភ្នំពេញ៖ លោក ថោង ខុន រដ្ឋមន្ត្រី​ក្រសួងទេសចរណ៍​បាន​និយាយប្រាប់​កាលពី​ប៉ុន្មាន​ម៉ោង​មុននេះ​ថា គម្រោង​បាតុកម្ម​របស់​គណបក្ស​សង្គ្រោះ​ជាតិ​នៅក្នុង​ខេត្តសៀមរាប​នៅ​ថ្ងៃ ទី១០ខែធ្នូ​ខាងមុខនេះ​ប្រៀប​បីដូច​ជា​គ្រាប់បែក​អ៊ីចឹង ពីព្រោះ​វា​គំរាមកំហែង​ដល់​វត្តមាន​អ្នកទេសចរ​បរទេស។ តែ​មេបក្ស​ប្រឆាំង​ថា មិនមាន​ផលប៉ះពាល់​ដល់​វិស័យ​ទេសចរណ៍​ទេ។

លោក ថោង ខុន បាន​បញ្ចេញ​ទស្សនៈ​នៅ​ថ្ងៃ​ពុធ​នេះ​ថា គម្រោង​បាតុកម្ម​របស់​គណបក្ស​សង្គ្រោះ​ជាតិ​បាន និង​កំពុង​ជំរុញ​អោយ​ភ្ញៀវទេសចរ​បរទេស​លុប​ដំណើរ​កម្សាន្ត​របស់​ពួកគេ​មកកាន់​ទីក្រុង​អង្គរ​ខេត្តសៀមរាប។

បើ​យោងតាម​សម្តី​របស់លោក​រដ្ឋមន្ត្រី​ក្រសួងទេសចរណ៍ ភ្ញៀវទេសចរ​ជនជាតិ​វៀតណាម​ចំនួន៥០%ដែល​គ្រោង​មក​ទស្សនា​ប្រទេស​កម្ពុជា​នៅ​ខែ​ក្រោយនេះ​បានសម្រេច​ចិត្ត​លុប​ដំណើរ​របស់​ពួកគេ​ចោល​ហើយ។ «បាតុកម្ម​គឺ​គឺជា​គ្រាប់បែក​ដែល​ប៉ះពាល់​ដល់​អារម្មណ៍​ទេសចរ​បរទេស»។ នេះ​គឺជា​ការបញ្ជាក់​របស់លោក​រដ្ឋមន្ត្រី​ក្រសួងទេសចរណ៍។ លោក​រដ្ឋមន្ត្រី​បាន​បន្តទៀតថា៖«គណបក្សប្រឆាំង​មិនគួរ​យក​ទីតាំង​អង្គរ​ដើម្បី​ធ្វើបាតុកម្ម​នោះទេ។ អង្គរ​គឺជា​តំបន់​ទេសចរណ៍ និង​ជា​បេតិកភណ្ឌ​ពិភពលោក ពោលគឺ​មិនមែនជា​តំបន់​នយោបាយ​ទេ»។

 លោក អាង គឹម​អៀង ប្រធាន​សមាគម​ទីភ្នាក់ងារ​ទេសចរណ៍​កម្ពុជា​បាន​អំពាវនាវ​នៅ​ថ្ងៃ​ពុធ​នេះ​ដល់​គណបក្ស​សង្គ្រោះ​ជាតិ​កុំអោយ​យក​ខេត្តសៀមរាប​ធ្វើជា​ទីតាំង​បាតុកម្ម ពីព្រោះ ទង្វើ​នេះ​អាច​ជំរុញ​អោយចំ​នួន​ទេសចរ​បរទេស​នឹង​ធ្លាក់ចុះ។ អ្នកជំនាញ​វិស័យ​ទេសចរណ៍​រូបនេះ បាន​បន្តទៀតថា គណបក្ស​សង្គ្រោះ​ជាតិ​គួររៀបចំ​បាតុកម្ម​នៅក្នុង​ខេត្ត​ផ្សេង​វិញ​ជាការ​ប្រសើរ​ជាង។ ខេត្តសៀមរាប​គឺជា​ខេត្ត​ទីមួយ​ដែល​ទទួលបាន​ភ្ញៀវទេសចរ​បរទេស​ច្រើនជាងគេ​ក្នុងចំណោម​ខេត្ត​ក្រុង​ដទៃទៀត​នៃ​ប្រទេស​កម្ពុជា។

សម្រាប់​បក្សប្រឆាំង បាតុកម្ម​នៅ​ថ្ងៃទី១០ខែធ្នូ​ខាងមុខនេះ​នៅក្នុង​ខេត្តសៀមរាប​មិន​ប៉ះពាល់​ដល់​វិស័យ​ទេសចរណ៍​កម្ពុជា​ទេ។

ថ្លែងប្រាប់​គេហ​ទំព័រថ្មីៗនៅ​ថ្ងៃ​ពុធ​នេះ លោក កឹម សុខា បង្ហាញ​ជំនឿ​ចិត្ត​ថា មហា​បាតុកម្ម​នៅ​ថ្ងៃ​ខាងមុខនេះ នឹង​គ្មាន ផល​អាក្រក់​ណាមួយ​ឡើយ ដល់​ដំណើរ​កំសាន្ត​ក្នុង​ខេត្ត​សៀមរាប​​របស់​ភ្ញៀវ​ជាតិ និង​អន្តរជាតិ​។ លោក​បន្តថា៖« ខ្ញុំ​គិតថា ភ្ញៀវទេសចរ​ភាគច្រើន គាត់​ចង់​មកលេង​កំសាន្ត​ក្នុងប្រទេស​ប្រជាធិបតេយ្យ ដូច​ច្នេះ​ការធ្វើ​បាតុកម្ម វា​មិនមាន​អ្វី​ប្លែក​ទេ»។

គេ​មិនទាន់​ដឹង​នៅឡើយ​ទេ​ថា តើ​គណបក្ស​សង្គ្រោះ​ជាតិ​នឹង​រៀបចំ​បាតុកម្ម​នៅ​ចំណុច​ណា​ពិតប្រាកដ​នៅឡើយ​ទេ។ នៅមុខ​ប្រាសាទអង្គរវត្ត? នៅ​ចំ​កណ្តាល​ខេត្ត? ឬ​នៅ​តំបន់​ផ្សេង​នៃ​ខេត្តសៀមរាប?។

សូមបញ្ជាក់ថា ក្នុង​រយៈពេល១០ខែ​នៃ​ឆ្នាំ២០១៣នេះ ប្រទេស​កម្ពុជា​ទទួលបាន​ភ្ញៀវទេសចរ​បរទេស​ជាង៣លាន​នាក់ ក្នុងនោះ​អ្នកទេសចរ​បរទេស​ជិត២លាន​នាក់​បាន​ឆ្លងកាត់​ខេត្តសៀមរាប៕ 

Source : Tmey Tmey 

អានបន្ត→

លោក យ៉ែម បុញ្ញា​ឬ​ទ្ធិ៖ »សង្គ្រោះ​ជាតិ​គ្មាន​គំនិត​ផ្ដួលរំលំ​រដ្ឋាភិបាល​ទេ »

(អត្ថបទចុះ​ផ្សាយ​នៅ​ថ្ងៃ    28-11-2013, 7:17 pm)  |  ដោយ រ៉េន រតនៈ

លោក យ៉ែម បុញ្ញា​ឫទ្ធិ មន្ត្រី​នាំពាក្យ​គណបក្ស​សង្គ្រោះ​ជាតិ បាន​អះអាង​នៅ​រសៀល​ថ្ងៃទី២៨ ខែវិច្ឆិកា​នេះ​ថា គណបក្ស​សង្គ្រោះ​ជាតិ​គ្មាន​គំនិត​ធ្វើបាតុកម្ម​ដើម្បី​ផ្តូ​ល​រំលំ​រដ្ឋាភិបាល​កម្ពុ​ជាប​ច្ចុ​ប្បន្ន​ឡើយ។ ការបញ្ជាក់​របស់​មន្ត្រី​គណបក្សប្រឆាំង ធ្វើឡើង​ខណៈដែល​លោក កឹម សុខា ត្រូវបាន​កាសែត​ក្នុងស្រុក​ចុះផ្សាយ​ថា គណបក្ស​ប្រឆាំងនឹង​បន្តធ្វើ​បាតុកម្ម​រហូត​លោកនាយក​រដ្ឋមន្ត្រី ហ៊ុន សែន​ចុះ​ចេញពី​តំណែង។ យ៉ាងណាក៏ដោយ​មន្ត្រី​គណបក្ស​បញ្ជាក់ថា បាតុកម្ម​របស់ខ្លួន​ប្រារព្ធ​ឡើង​ដើម្បី​ទាមទា​ឲ្យ​រដ្ឋាភិបាល​គោរព​សិទ្ធិមនុស្ស និង​ដោះស្រាយ​ភាពមិនប្រក្រតី​នៃ​ការបោះឆ្នោត​តែប៉ុណ្ណោះ។

ថ្លែងប្រាប់​គេហទំព័រថ្មីៗ លោក យ៉ែម បុញ្ញា​ឫទ្ធិ បាន​អត្ថាធិប្បាយ​ថា បាតុកម្ម​ដែល​គណបក្ស​សង្គ្រោះ​ជាតិ​បន្តធ្វើ​ជាថ្មី​ចាប់ពី​ថ្ងៃទី១០ ខែធ្នូ​ខាងមុខនេះ គ្រាន់តែ​ជាការ​ប្រារព្ធ​ឡើង​ដើម្បី​ទាមទា​ឲ្យ​រដ្ឋាភិបាល​របស់លោក​នាយ​ក​រដ្ឋមន្ត្រី ហ៊ុន សែន អនុវត្ត​គោលការណ៍​គោរព​សិទ្ធិមនុស្ស ពិសេស​សិទ្ធិ​ពលរដ្ឋ​កម្ពុជា ដែល​រង​នឹង​ទង្វើ​អយុត្តិធម៌​ជាច្រើន​ក្នុងសង្គម​ក្រោម​ការដឹកនាំ​របស់​គណ​បក្ស​កាន់អំណាច​តែប៉ុណ្ណោះ។ 

លោក​បន្តថា៖« យើង​ទាមទា​ឲ្យ​រដ្ឋាភិបាល​គោរព​សិទ្ធិ​ពលរដ្ឋ ពិសេស​សិទ្ធិ​បោះឆ្នោត​របស់​ពួកគាត់ ដែល​ត្រូវបាន​រំលោភ​តាមរយៈ​ភាពមិនប្រក្រតី​នៅ​ថ្ងៃ​បោះឆ្នោត។ យើង​គ្មាន​គំនិត​ធ្វើបាតុកម្ម​ទម្លាក់​រដ្ឋាភិបាល​ទេ»។

គួរ​បញ្ជាក់ថា គណបក្ស​សង្គ្រោះ​ជាតិ បាន​ផ្ដើម​នូវ​ហា​បាតុកម្ម​របស់ខ្លួន​ជាថ្មី​ទៀតហើយ ចាប់ពី​ថ្ងៃទី១០ ខែធ្នូ​ខាងមុខនេះ​តទៅ។ ដោយឡែក ចាប់ពី​ថ្ងៃទី១៥ ខែធ្នូ​ខាងមុខ​នេះដែរ គណបក្សប្រឆាំង​បានសម្រេច​ថា​ខ្លួន​នឹងធ្វើ​បាតុកម្ម​នៅ​រៀងរាល់ថ្ងៃ​អាទិត្យ លើ​ទីលាន​ប្រជាធិបតេយ្យ រហូត​មាន​ដំណោះស្រាយ​លើ​ភាពមិនប្រក្រតី​នៃ​ការបោះឆ្នោត។ 

ការប្រកាស​ធ្វើបាតុកម្ម​របស់​គណបក្ស​ប្រឆាំង​នេះដែរ ក៏បាន​នាំ​ឲ្យ​មានការ​ព្រូ​យ​បារម្ភ​ផងដែរ នូវ​លទ្ធភាព​ដែល​គណ​ប្រឆាំង​បង្វែ​ការទាមទារ​របស់ខ្លួន ទៅជា​ការផ្ដួលរំលំ​រដ្ឋា​ភិ​បា​លក​កម្ពុជា​បច្ចុប្បន្ន។ យ៉ាងណាក៏ដោយ គណបក្សប្រឆាំង​បាន​ច្រានចោល​នូវ​ការលើកឡើង​ខាងលើនេះ៕

Source : http://m.thmeythmey.com/index.php?page=detail&ctype=article&id=10009&lg=kh

អានបន្ត→

បក្សប្រឆាំង​កំពុង​ពិចារណា​លើ​ទីតាំង​ធ្វើបាតុកម្ម​ចំនួន៣នៅ​សៀមរាប

(អត្ថបទចុះ​ផ្សាយ​នៅ​ថ្ងៃ    28-11-2013,  2:53 pm) |  ដោយ រ៉េន រតនៈ

 ទីតាំងសំខាន់ៗចំនួន៣ក្នុង​ខេត្តសៀមរាប រួមមាន​ទីមួយ ទីលាន​អង្គរ​ឃ្យុ​ង​យូ ទី២បរិវេណ​មុខ​ប្រាសាទ​អង្គរ និង​ទី៣ អាចជា​វត្ត​អារាម​ដែល​ស្ថិតក្នុង​ទីប្រជុំជន​ខេត្តសៀមរាប​នោះ  កំពុងស្ថិត​ក្នុងការ​ពិចារណា​នៅឡើយ ពី​សំណាក់​ថ្នាក់ដឹកនាំ​គណបក្ស​សង្គ្រោះ​ជាតិ ដើម្បី​រៀបចំ​មហា​បាតុកម្ម​នៅ​ថ្ងៃទី១០ ខែធ្នូ​ខាងមុខនេះ។

បើតាម​គណបក្សប្រឆាំង អាជ្ញាធរ​ខេត្តសៀមរាប បាន​ចង្អុល​ទីតាំង​នៃ​ទីលាន​អង្គរ​ព្យូ​ង​យូ​ង សម្រាប់​ការ​ប្រារព្ធ​មហា​បាតុកម្ម​របស់​គណបក្ស​សង្គ្រោះ​ជាតិ ប៉ុន្តែ​មន្ត្រីជាន់ខ្ពស់​គណបក្សប្រឆាំង​បាន​បញ្ជាក់ថា ទីតាំង​នោះ​មិន​អំណោយផល​ដល់​ការរៀបចំ​បាតុកម្ម​របស់ខ្លួន​ឡើយ។

ថ្លែងប្រាប់​គេហទំព័រថ្មីៗ លោក ឡុង រី​មន្ត្រីជាន់ខ្ពស់​គណបក្ស​ស​ង្គ្រោះ​ជាតិ បាន​ឲ្យ​ដឹងថា អាជ្ញាធរ​ខេត្តសៀមរាប​បានបង្ហាញ​ទីតាំង​អង្គរ​ព្យូ​ង​យូ​ង សម្រាប់​ការរៀបចំ​មហា​បាតុកម្ម​របស់​គណបក្ស​សង្គ្រោះ​ជាតិ។ បើតាម​មន្ត្រី​គណបក្សប្រឆាំង​រូបនេះ ទីតាំង​ដែល​សាលាខេត្ត​សៀមរាប​បង្ហាញ​ជូន​នោះ ស្ថិតនៅ​ឆ្ងាយ​ពី​ទី​រួម​ខេត្ត និង​ទីប្រជុំជន នឹង​គ្មាន​អំណោយផល​ល្អ​ឡើយ ដល់​ការរៀបចំ​មហា​បាតុកម្ម​របស់ខ្លួន។

លោក ឡុង រី ថ្លែង​ឲ្យ​ដឹងថា គណបក្ស​សង្គ្រោះ​ជាតិ​ទំនងជា​មិនអាច​រៀបចំ​មហា​បាតុកម្ម​នៅលើ​ទីតាំង​ដែល​ អាជ្ញាធរ​ខេត្តសៀមរាប​ចង្អុលបង្ហាញ​នោះបានទេ ហើយ​ថា គណបក្ស​សង្គ្រោះ​ជាតិ​កំពុង​ពិចារណា​លើ​ទីតាំង​ចំនួន​ពីរ​បន្ថែមទៀត គឺ​ទីលាន​មុខ​ប្រាសាទ​អង្គរ និង​នៅក្នុង​ទី​អារាម​ណាមួយ​នៃ​ទី​រួម​ខេត្តសៀមរាប ដែលជា​តំបន់​ទីប្រជុំជន៕

source : http://thmeythmey.com/index.php?page=detail&ctype=article&id=10001&lg=kh 

អានបន្ត→

លោក សម រង្ស៊ី ត្រឡប់​ចូល​ប្រទេសមួយ​ថ្ងៃមុន​បាតុកម្ម​ថ្ងៃទី១០ ខែធ្នូ

(អត្ថបទចុះ​ផ្សាយ​នៅ​ថ្ងៃ    28-11-2013,  10:51 am) |  ដោយ រ៉េន រតន

លោក សម រង្ស៊ី បានធ្វើ​ដំណើ​ពី​អាកាស​យាន្ត​ដ្ឋា​ន​អន្តរជាតិ​ភ្នំពេញ ទៅកាន់​សហគមន៍​អឺរ៉ុប ចាប់តាំងពី​ថ្ងៃទី២៤ ខែវិច្ឆិកា។ ដំណើ​ទៅកាន់​អឺរ៉ុប​របស់​មេដឹកនាំ​គណបក្ស​សង្គ្រោះ​ជាតិ​រូបនេះ ត្រូវបាន​មន្ត្រី​គណបក្សប្រឆាំង​បញ្ជាក់​ឲ្យ​ដឹងថា ដើម្បី​ជួប​សំណេះសំណាល​ជាមួយ​ក្រុម​អ្នកគាំទ្រ​រស់នៅ​ទីនោះ និង​បន្តធ្វើ​នយោបាយ​ការទូត​ស្វែងរក​ការដាក់​សម្ពាធ​មកលើរ​ដ្ឋា​ភិ​បាល​ កម្ពុជា​បច្ចុប្បន្ន។ យ៉ាង​ក៏ដោយ លោក សម រង្ស៊ី នឹង​វិល​មក​ចូល​ប្រទេស​វិញ​នៅ​ថ្ងៃទី៩ ខែធ្នូ​ខាងមុខនេះ។

លោក ឡុង រី មន្ត្រីជាន់ខ្ពស់​គណបក្ស​សង្គ្រោះ​ជាតិ បាន​ឲ្យ​ដឹងថា ក្រោយពី​បញ្ចប់​ដំណើរ​ទស្សនកិច្ច​នៅ​អឺរ៉ុប លោក សម រង្ស៊ី នឹង​វិលត្រឡប់​មកកាន់​ប្រទេស​កម្ពុជា​វិញ នៅ​ថ្ងៃទី៩ ខែធ្នូ​ខាងមុខ ដើម្បី​ដឹកនាំ​មហា​បាតុកម្ម​នៅ​រាជធានី​ភ្នំពេញ និង​សៀមរាប។

លោក​បន្តថា លោក សម រង្ស៊ី នឹង​អាចមាន​ជម្រើស​ពីរ​នៅពេល​ត្រឡប់មក​កម្ពុជា​វិញ។ ទីមួយ​លោក សម រង្ស៊ី នឹង​ជិះ​យន្តហោះ​ត្រង់​ឆ្ពោះទៅកាន់​ខេត្តសៀមរាប និង​ទី​ពីរ លោក សម រង្ស៊ី នឹង​អាច​ចុះចត​នៅ​រាជធានី​ភ្នំពេញ ដើម្បី​ដឹកនាំ​ធ្វើបាតុកម្ម​នៅលើ​ទីលាន​ប្រជាធិបតេយ្យ​ជាមួយ​លោក កឹម សុខា និង​ក្រុម​អង្គការ​សង្គម​ស៊ីវិល។

គួរ​បញ្ជាក់ថា គណបក្ស​សង្គ្រោះ​ជាតិ នឹង​រៀបចំ​នូវ​មហា​បាតុកម្ម​ទ្រង់ទ្រាយ​ធំ​មួយ​នៅ​ទី​រូ​ម​ខេត្តសៀមរាប ដែល​អាច​នឹងមាន​ក្រុមបាតុករ​ពី​បណ្ដាល​ខេត្ត​ជាប់​នោះ ដូចជា​បាត់ដំបង បន្ទាយមានជ័យ ឧ​ត្ត​មានជ័យ កំពង់ធំ ព្រះវិហារ ចូលរួម​ប្រមាណ​ជាជាង១ម៉ឺន​នាក់។

មន្ត្រី​គណបក្សប្រឆាំង បានបញ្ជាក់​ឲ្យ​ដឹងថា មហា​បាតុកម្ម​នេះ នឹង​ត្រូវបាន​ប្រារព្ធ​ឡើង​ក្រោម​ប្រធានបទ «សិទ្ធិ​ជ្រើសរើស​អ្នកដឹកនាំ»។ កន្លះ​ខែ​មុន​មហា​បាតុកម្ម​នោះមក​ដល់ លោក សម រង្ស៊ី បាន​ចាក​ចេញពី​ប្រទេស​ដោយ​ស្ថាត់ៗ ទៅកាន់​សហគមន៍​អឺរ៉ុប មុននឹង​វិល​មក​ដឹកនាំ​បាតុកម្ម​នៅ​សៀមរាប៕ 
source : http://thmeythmey.com/index.php?page=detail&ctype=article&id=9996&lg=kh

អានបន្ត→

ពីនេះ ពី​នោះ៖ ចូរ​កុំ​ធ្វើ​នយោបាយ​ដើម្បី​ដូរ​បាយ!

(អត្ថបទចុះ​ផ្សាយ​នៅ​ថ្ងៃ    28-11-2013,  10:47 am)

នៅក្នុង​ប្រទេស​ស៊ី​វិ​ល័យ ជឿនលឿន គោរព​ច្បាប់ អ្នកនយោបាយ​ភាគច្រើន​ជា​អ្នកមាន​ធនធាន​ទ្រព្យសម្បត្តិ និង​មានចំណេះដឹង​ខ្ពស់។
ដូច្នេះ ពួកគេ​ធ្វើ​នយោបាយ​ដើម្បី​ជួយ​ជាតិ និង​ដើម្បី​កសាង​កិត្តិយស​សម្រាប់​ខ្លួនគេ ពោលគឺ​ពួកគេ​មិន​ធ្វើ​នយោបាយ​ដើម្បី​ដូរ​បាយ​នោះទេ។
ប៉ុន្តែ​នៅក្នុង​ប្រទេស​ក្រីក្រ​មួយចំនួន អ្នកនយោបាយ​ភាគច្រើន​ធ្វើ​នយោបាយ​ដើម្បី​ដូរ​បាយ(ធ្វើ​ជំនួញ​នយោបាយ)។ និយាយ​បែប​ផ្សេង មានន័យថា ពួកគេ​ធ្វើ​នយោបាយ​ដើម្បី​កេងប្រវ័ញ្ច​ឬ​ជញ្ជក់​ឈាម​ពី​ជាតិ ពោលគឺ​មិនមែន​ដើម្បី​ជួយ​ជាតិ​ទេ៕ 

អានបន្ត→

ភ្នំពេញ ជាប់លេខ ៤ ទូទាំងពិភពលោក ខាងចំណាត់ថ្នាក់ ជាទីក្រុង ដែលមិនគួរអោយរស់នៅ

ពុធ ២៧ វិច្ឆិកា, ២០១៣ ម៉ោង ០៨:៣៣

នៅពេលថ្មីៗនេះ អង្គភាពសេដ្ឋកិច្ចពិសេស (The Economist Intellligence Unit) ដែលជាក្រុមជំនាញ ក្នុងការវាយតម្លៃ ទៅលើចំណាត់ទីក្រុង បានបង្ហាញ ពីបញ្ជី ចំណាត់ថ្នាក់ពិភពលោក ពី ទីក្រុងដែលគួរអោយចង់រស់នៅ និងទីក្រុងដែលមិនគួរអោយចង់រស់នៅ។

តើលោកអ្នកដឹងទេថា ភ្នំពេញដែលជាទីក្រុងរបស់ ព្រះរាជាណាចក្រកម្ពុជាយើង បានជាប់ចំណាត់ថ្នាក់លេខ៤ ខាងផ្នែកទីក្រុងដែលមិនគួរអោយចង់រស់នៅ នៅលើលោកយើងទាំងមូល។

ការធ្វើចំណាត់ថ្នាក់នេះ គឺផ្អែកទៅលើកត្តាជាច្រើន ដែលពួកគេបាន កំណត់ និងបានធ្វើការស្រាវជ្រាវ ហើយកត្តាទាំងនោះរួមមាន៖ ១, សម្បតិ្តធម្មជាតិ ២, សម្បតិ្តវប្បធម៌ ៣, ការភ្ជាប់ទំនាក់ទំនង (តើមានប៉ុន្មានទីក្រុង ដែលអាចធ្វើដំណើរទៅដល់ទីក្រុងនោះបាន) ៤, ផ្ដោតទៅលើ តើមានទីក្រុងធំៗប៉ុន្មានដែលស្ថិតនៅជិតទីក្រុងនោះ ៥, ការបំពុលបរិស្ថានកំរិតណា ៦, ទំហំទីក្រុង ៧, បរិស្ថានបៃតង (ដោយផ្អែកទៅលើទំហំនៃបរិស្ថានបៃតង ធៀបទៅនឹង ទំហំនៃទីក្រុង)។

ទាំងនេះ ជាទីក្រុងដែលគួរអោយចង់រស់នៅទាំង១០៖

១, ហុងកុង Hong Kong

២, អេមស្ទឺដេម Amsterdam

៣, អូសាកា Osaka

៤, ប៉ារីស Paris

៥, ស៊ីដនី Sydney

៦, ស្តុកហូម Stockholm

៧, ប៊ែកលីន Berlin

៨, តូរ៉ុនតូ Toronto

៩, មូនិច Munich

១០, តូក្យូ Tokyo

ទីក្រុងដែលមិនគួរអោយ រស់នៅនោះគឺ៖

១, ទែរ៉ាន់ Tehran

២, ណាយរ៉ូប៊ី Nairobi

៣, លូសាកា Lusaka

៤, ភ្នំពេញ Phnom Penh

៥, ការ៉ាឈិ Karachi

៦, ដាកា Dakar

៧, អាប៊ីចាន Abidjan

៨, ដាកកាDhaka

៩, ឡាហ្គូស Lagos

១០, ហារ៉ែ Harare

ភ្នំពេញជាទីក្រុងលេខ៤ ខាងមិនល្អអោយរស់នៅ តើប្រិយមិត្តយល់យ៉ាងណាដែរ?

ប្រភព៖ ស្មាតផ្លេណេត

Source: http://www.khmerload.com/news/20414

អានបន្ត→

ដើមចេកខ្មែរ

ដើមចេកខ្មែរ

       ប្រទេសកម្ពុជាមានចេកជាច្រើនប្រភេទ ដូចជា ចេកណាំវ៉ា ចេកអំបូង ចេកពងមាន់ ចេកស្នាមុខ ចេកទឹក ចេកជ្វា។ល។ ចេកជារុក្ខជាតិហូបផ្លែដែលមានប្រយោជន៍ដល់សុខភាព ហើយប្រភេទចេក​មួយចំនួនប្រជាជនខ្មែរចូលចិត្តបរិភោគ​ ដូចជា ចេកណាំវ៉ា ចេកពងមាន់ និង​ចេកអំបូងជាដើម។ មិនត្រឹមតែផ្តល់ផ្លែសំរាប់បរិភោគនោះទេ ចេកក៍ជាំរុក្ខជាតិមានប្រយោជន៍ទាំងស្លឹក និងដើម។​រាប់សតវត្សមកហើយចេក​តែងតែផ្សារភ្ជាប់ទៅនឹងជីវភាពប្រជាពលរដ្ឋខ្មែរជានិច្ច ទោះយ៉ាងគេ​ឃើញប្រជាជនខ្មែរប្រើប្រាស់ចេកសំរាប់បរិភោគ ធ្វើជាបង្អែម អាចធ្វើជាម្ហូប ធ្វើខ្សែ​ ធ្វើជាកញ្ចប់ សំភារៈតាំងលំអ យានជំនិះ។ល។ ខាងក្រោមនេះជាប្រភេទចេកខ្មែរមួយចំនួន និង​អត្ថប្រយោជន៍​របស់វានៅក្នុងសង្គមខ្មែរ៖

អានបន្ត→

តើ​មន្ត្រី​ដែលមាន​ផ្ទះ​ធំ រថយន្ត​ទំនើប ជា​មន្ត្រី​ដែល​ពុករលួយ​ឬទេ ?

(អត្ថបទចុះ​ផ្សាយ​នៅ​ថ្ងៃ    27-11-2013, 8:40 pm)  |  ដោយ បាន សំអាង

នៅក្នុង​ប្រទេស​កម្ពុជា មន្ត្រីរាជការ​ដែលមាន​តំណែងធំៗ នៅក្នុង​ស្ថាប័នរដ្ឋ​ភាគច្រើន​គឺមាន ផ្ទះធំៗ សម្ភារៈប្រើប្រាស់ទំនើបៗ ដូចជា​ឡាន​ស៊េរី​ថ្មី​ជាដើម។ ប្រជាពលរដ្ឋ​សាមញ្ញ ពួកគាត់​តែងតែ​និយាយតៗគ្នា​ថា ច្បាស់​ជាម​ន្ត្រី​ទាំង​នោះបាន​ប្រព្រឹត្ត​នៅ​អំពើពុករលួយ កិបកេង​ទ្រព្យសម្បត្តិ​រដ្ឋ​ជាមិនខាន​នោះទេ ដោយ​ពួកគាត់​សំអាងថា បើទោះបីជា​មន្ត្រីជាន់ខ្ពស់​ប៉ុណ្ណា​ក៏ដោយ អ្នក​ដែល​ទទួលបាន​ប្រាក់ខែ​ខ្ពស់​ជាងគេ​នោះ យ៉ាង​ច្រើនជាង ២ ០០០ ដុល្លារ​តែប៉ុណ្ណោះ។ បើ​ប្រាក់ខែ​តែ​ប៉ុណ្ណេះ តើ​មន្ត្រីធំៗទាំងនោះ​បាន​លុយ​មកពីណា ដើម្បី​ទិញ​ផ្ទះ ទិញ​រថយន្តទំនើបៗជិះ​នោះទេ។
ពាក់ព័ន្ធ​នឹង​បញ្ហា​នេះ​ផងដែរ លោក ហុង សម្បត្តិ មេធាវី នៃ​មជ្ឈមណ្ឌល​តស៊ូ​មតិ និង​ប្រឹក្សា​យោបល់ (ALAC) នៃ​អង្គការ​តម្លាភាព​កម្ពុជា ក៏បាន​លើកឡើង​ដែរ​ថា លោក​ក៏​ធ្លាប់​បានទទួល​នូវ​ពាក្យបណ្ដឹង​ប្រភេទ​នេះដែរ ដោយ​អ្នក​ដែល​ទូរស័ព្ទ​មកប្ដឹង​នោះ គឺ​គ្រាន់តែ​បានឃើញ​មន្ត្រី​ម្នាក់​ទើបតែ​ឡើងកាន់តំណែង ជា​ប្រធាន​នាយកដ្ឋាន​សោះ ស្រាប់​តែមាន​លុយ​សាងសង់​ផ្ទះ​យ៉ាង​ធំ​ស្កឹមស្កៃ យ៉ាង​ឆាប់រហ័ស​យ៉ាង​ដូច្នេះ។

លោក​មេធាវី​រូបនេះ ក៏បាន​ធ្វើការ​ពន្យល់​ពី​ករណីនេះ​ផងដែរ​ថា៖«យើង​មិនអាច​និយាយថា ករណីនេះ​ជា​អំពើពុករលួយ​នោះទេ»។ លោក​បន្តថា ដើម្បី​អាច​ចាត់ទុកថា​វា​មន្ត្រី​នោះ​ពុករលួយ គឺ​គេ​ត្រូវការ​តាមដាន​មើល​ពី​ប្រវត្តិ​ការងារ​របស់គាត់ ពី​ប្រភព​ចំណូល​របស់គាត់ ថា​តើ​គាត់​មានទំនាស់​ផលប្រយោជន៍​នៅក្នុង​កន្លែង​ការងារ របស់គាត់​ដែរឬទេ?

លោក​ក៏បាន​បញ្ជាក់​ផងដែរ​ថា ចាប់ពី​ពេលដែល​មជ្ឈមណ្ឌល ALAC នេះ​បាន​បើក​នៅ​ថ្ងៃទី២០ ខែកញ្ញា​មក​នោះ ALAC ទទួលបាន​ករណី​បណ្ដឹង​ជាច្រើន​ពី​ប្រជាពលរដ្ឋ ហើយ​ភាគច្រើន​នៃ​បណ្ដឹង​ទាំងនោះ​គឺ​មកពី​តាម​បណ្ដា​ខេត្ត។បណ្ដឹង​ទាំងនោះ គឺ​ភាគច្រើន​កើត​នៅក្នុង ស្ថាប័ន ឬ មន្ទីរ នៅតាម​ខេត្ត​មួយចំនួន ដែលមាន​ដូចជា ករណី​កិបកេង​ប្រាក់ខែ កាត់លុយ ឬក៏​ស៊ីប្រាក់ខែ​របស់​បុគ្គលិក​ដែល​មានតែ​ឈ្មោះ និង​ករណី​ដែលមាន​មន្ត្រី​សុរិយោដី​មួយចំនួន ដែល​គ្មាន​សិទ្ធិ​ចេញ​លិខិត ឬ​ឯកសារ បែរជា​លួច​ចេញ​ឯកសារ ដើម្បី​យកប្រាក់​ពី​អ្នក​ដែល​ត្រូវការ​ឯកសារ​នោះ ជាដើម៕
Source : tmey tmey
   

អានបន្ត→

លោក កឹម សុខា៖« បាតុកម្ម​នៅ​សៀមរាប​មិន​ប៉ះពាល់​ភ្ញៀវ​ទេសចរឡើយ»

លោក កឹម សុខា៖« បាតុកម្ម​នៅ​សៀមរាប​មិន​ប៉ះពាល់​ភ្ញៀវ​ទេសចរឡើយ»
(អត្ថបទចុះ​ផ្សាយ​នៅ​ថ្ងៃ    27-11-2013,3:16 pm)  |  ដោយ រ៉េន រតនៈ

លោក កឹម សុខា អនុប្រធាន​គណបក្ស​ស​ង្គ្រោះ​ជាតិ បាន​អះអាង​នៅ​ព្រឹក​ថ្ងៃ​ពុធ ទី២៧ ខែវិច្ឆិកា​នេះ​ថា មហា​បាតុកម្ម​ដែល​គ្រោង​នឹង​រៀបចំឡើង​នៅ​ខេត្តសៀមរាប នា​ថ្ងៃទី១០ ខែធ្នូ​ខាងមុខនេះ នឹងមិន​បង្ក​ជា​ផលប៉ះពាល់​ណាមួយ​ឡើយ​ដល់​ដំណើ​កំសាន្ត​របស់​ភ្ញៀវ​ទេសចរ។ ភ្ញៀវ​ទេសចរ ដែល​ភាគច្រើន​ធ្វើដំណើកំ​សាន្ត​ក្នុងប្រទេស​កម្ពុជា ដើម្បី​ចង់​ទស្សនា​តំបន់​រមណីយដ្ឋាន​អង្គរ ក្នុង​ខេត្តសៀមរាប។ 

ការបញ្ជាក់​របស់​ប្រមុខ​គណបក្សប្រឆាំង ធ្វើឡើង​បន្ទាប់ពី​ទីភ្នាក់ងារ​ទេសចរ​កម្ពុជា និង​អ្នកពាក់ព័ន្ធ​មួយចំនួនទៀត បាន​សម្ដែង​ក្ដីបារម្ភ អំពី​ផលប៉ះពាល់ និង​ការលុបចោល​ដំណើ​កំសាន្ត​របស់​ភ្ញៀវ​ទេសចរមួយចំនួន​មកកាន់​ខេត្តសៀមរាប ខណៈពេលដែល​គណបក្ស​ប្រឆាំង សម្រេចយក​ខេត្ត​ទេសចរណ៍​មួយ​នេះ រៀបចំ​មហា​បាតុកម្ម​របស់ខ្លួន​។

ថ្លែងប្រាប់​គេ​ទំព័រថ្មីៗ លោក កឹម សុខា បង្ហាញ​ជំនឿ​ចិត្ត​ថា មហា​បាតុកម្ម​នៅ​ថ្ងៃ​ខាងមុខនេះ នឹង​គ្មាន ផល​អាក្រក់​ណាមួយ​ឡើយ ដល់​ដំណើ​កំសាន្ត​ក្នុង​ខេត្តសៀមរាប​របស់​ភ្ញៀវ​ជាតិ និង​អន្តរជាតិ​នោះ​ទេ​។ លោក​បន្តថា៖« ខ្ញុំ​គិតថា ភ្ញៀវ​ទេសចរភាគច្រើន គាត់​ចង់​មកលេង​កំសាន្ត​ក្នុងប្រទេស​ប្រជាធិបតេយ្យ ដូច​ច្នេះ​ការធ្វើ​បាតុកម្ម វា​មិនមាន​អ្វី​ប្លែក​ទេ»។

យ៉ាងណាក៏ដោយ លោក កឹម សុខា បាន​ហៅ​មហា​បាតុកម្ម​នៅ​ខេត្តសៀមរាប​នោះ​ថា ជាការ​ដាក់​សម្ពាធ​ថ្មី​មួយទៀត​ដល់​រដ្ឋាភិបាល របស់លោក​នាយករដ្ឋមន្ត្រី ហ៊ុន សែន ដែល​មិន​ព្រម​ដោះស្រាយ​បញ្ហា​តាម​ការទាមទារ​ប​ស់គ​ណ​បក្ស​សង្គ្រោះ​ជាតិ និង​ម្ចាស់ឆ្នោត លើ​ការស្វែងរក​យុត្តិធម៌​ពី​ការបោះឆ្នោត​កន្លង​ទៅនោះ។

គួរ​បញ្ជាក់ថា គណបក្ស​សង្គ្រោះ​ជាតិ គ្រោង​នឹង​រៀបចំ​មហា​បាតុកម្ម​របស់ខ្លួន នៅ​ថ្ងៃទី១០ ខែធ្នូ​ខាងមុខនេះ នៅលើ​ទឹកដី​អង្គរ​ខេត្តសៀមរាប។ លោក អាង គឹម​អៀង ប្រធាន​សមាគម​ទីភ្នាក់ងារ​ទេសចរណ៍​កម្ពុជា​បាន​អំពាវនាវ​នៅ​ថ្ងៃ​ពុធ​នេះ ដល់​គណបក្ស​សង្គ្រោះ​ជាតិ​កុំអោយ​យក​ខេត្តសៀមរាប​ធ្វើជា​ទីតាំង​បាតុកម្ម ពីព្រោះ ទង្វើ​នេះ​នឹង​អាច​ជំរុញ​អោយចំ​នួន​ទេសចរ​បរទេស​ឲ្យ​ធ្លាក់ចុះ៕ 

អានបន្ត→